Şandeke PDKê serdana Babe Şêxê Êzdiyan kir

Şêxan-KDP.info/ Şandeke Partiya Demokrat a Kurdistanê bi nûneratiya Serok Barzanî serdana Babe Şêxê Îzdiyan kir.

 Şandeke Partiya Demokrat a Kurdistanê bi nûneratiya Serok Barzanî û bi Serokatiya Sîdad Barzanî serdana Babe Şêxê Êzdiyan li Şêxanê kir.

Di vê serdana han de şanda PDKê serî li civata olî ya Êzdiyan da û rewşa tendirostiya Serokê civatê Babe Şêx pirsî û hêviya selametî ji Babe Şêx re xwest.

 Her di çarçoveya vê serdana han de heyet serî li mala Mîrê Êzdiyan Mîr Tehsîn beg da û rewşa tendirostiya wî jî pirsî ku bo tedavî serî li derveya welat dabû.

 Şandê pişt re çû liqa 20ê ya Partiya Demokrat a Kurdistanê û di civînekê de li gel birêvebirên liqê rewşa devera Şêxan û amadekariyên hilbijartinan giftûgo kirin.