Liqên 18 û Yek 23yemîn salvegera raperîna gelê Kurdistanê pîroz kirin
Di qonaxên bizava rizgarî xwaza gelê Kurdistanê de gelek rengên xebat û qurbanî danê hatine dan, wek serhildana pêncê heyva sê li behara 91ê ya xelkê serbilndê bajêrê Raniyê dest pêkiriye û pêlên wê bi ser hemû deverên Kurdistanê de vegirtî.
Serhildan retkirina zulim û zordariyê bû ku di encamp de Kurdistan hatiye rizgarkirin û qonaxa azadiyê destpêkiriye, herwiha serhildan ji berhemê xebata salan ya bereyê Kurdistanê û pêşmerge û şehîdên qehreman û sercem xelkê Kurdistanê û bavê ruhî yê miletê Kurd Barzaniyê nemir bûye.
Bi vê helkeftê bi navê liqê Yek ê Partiya Demokrat a Kurdistanê silav bo xelkê şerefmendê serheldanê û hemû pêşmergên qehreman û şehîdên rêyîa azadiya Kurdistanê û ser karwanê wan Barzaniyê nemir û Idrîsê herdem saxbin.
Her bi vê helkeftê liqê 18 yê Partiya Demokrat a Kurdistanê biruskek belavkiriye û têda hatiye:
Berî 23 salan wekî îro li destpêka bihara Kurdistanê û verêja çendîn şoreş û serhildanan, li pêncê adara sala 1991ê yekemîn çirîska serhildanê li bajêrê Raniyê vêket û li duvde pêlên wê hemû deverên Kurdistanê girt û di encamp de Kurdistan li jêr zulim û zordariya rêjîma Be'sa ji nav çûy hate rizgar kirin.
Bi vê helkeftê û bi navê liqê 18 yê partî û xelkê devera Amêdiyê pîrozbahiyên gerim pêşkêşî xelkê Kurdistanê dikin û bi taybet kes û karên şehîdên bizava rizgarî xwaza miletê Kurdistanê û ser karwanê wan Barzaniyê nemir û Idrîsê herdem sax bin.
__2014_06_17_h19m52s48__BA.jpg)