Liqê 18 sipasiya xelkê devera Amêdiyê kir

Amêdiyê-KDP.info/ Cemawerê xebatkarê devera Amêdiyê. Guman têda nîne, ku hewe rolekê berçav hebûye, di hemû şoreş û serhildanên gelê me de, bo serkeftina doza rewaya gelê me, hewe hemû awayên xebat û têkuşînê girtîne ber û bi hezaran şehîd û qurbanî hewe pêşkêş kirîne.

Mêrxasî û çelengî û dastanên hewe dost û dijmin hebetî kirîne û bi vê çendê jî serê hewe hindî bilndahiya Garê û Metînî bilind bûye û hûn hemû dema li cihê rêz û sipasiya gelê kurdistanê bûne.

cemawerê xweştevî...

Îro jî di van helbijartinên perlemanê kurdistanê de, hewe careka dî selmand eve ku hûn hêvênin bo parastina ezmûna dîmukirasiya gelê kurdistanê û hewe careka dî dupatkireve ku hûn nebes wefadarên rêbaza pîroza partî û Barzanî ne, belku hûn xudanên vê rêbazê ne û ev rêbaze li ser destên hewe roj bi roj geştir û pîroztir dibe.

Bi helkefta serketina helbijartinan em pir ji dil pîrozbahiyan arastey cenabê serokê Partiya Demokrat a Kurdistanê xweştevî Birêz (Mesûd Barzanî) û cenabê cêgirê wî (Nêçîrvan Barzanî) û mekteba siyasî û heweyên rêzdar dikin û sipasiyên bê sînor ên liqa me pêşkêşî heweyên hêja yek bi yek dikin û me baweriyeka mezin heye bi harîkarî û piştevaniya hewe herdem serkeftin behra gelê me û partiya heweye Partiya Demokrat a Kurdistanê.

Li dawiyê de dûbare silav û rêz û sipasiyan arastey heweyên hêja dikin eve û her bimînin di bin çavdêriya xudayê mezin da.



Partiya Demokrat a Kurdistanê
Liqê 18 – Amêdiyê
29/9/2013