Serkeftina PDKê serkeftina azadî û geşekirina berdewama Kurdistanê ye
Bi vê serkeftina me xwe bi qerzarên gelê xwe dizanîn
Mekteba siyasî ya Partiya Demokrat a Kurdistanê di peyamekê da bi helkefta bi dûmahî hatina pirosa helbijartinên perlemanê Kurdistanê, pîrozbahiyên germ arastey endam û layengirên partî kir bo wan encamên lîsta partî di helbijartinada bi bidestiveynayin, ewa li xwarê jî deqa peyamê ye:
Hevalan, pêşimergên qareman
Kesukarên serberzên şehîdan
Hemû endam û layengir û dilsozên partî û rêbaza Barzanî
Bi helkefta bi dûmahiy hatina pirosa dengdanê bo helbijartinên perlemanê Kurdistanê û serkeftina partiya hewe, Partiya Demokrat a Kurdistanê, bi navê xwe û serkirdayetiya partiya me pîrozbahiyên germ li hewe dikeyin û deste gula vê serkeftina pir şanazî pêşkêşî hewe dikeyin û bi rêya hewe sopasiya hemû wan dilsuzên partî û rêbaza Barzanî dikeyin ku li demê bangeşa helbijartinanda û li roja dengdanê da, bi têhneka partayetî hewe pişkdariyeka bê wêne di pirosê da kir û nimûneka pêşkeftî ya dîmokirasyê û şarstaniyê pêşkêşikir û rûyê ciwan yê ezmûna Kurdistanê bo hemû cîhanê berçavkir.
Her di vê roja dîrokî da, ku bi yek ji rojên werçerxan di dîroka bizava rizgarîxwaza gelê Kurdistanê da û karwanê avakirina Kurdistaneka azad dihête hejmartin, ji nîva dilê xwe sopasiya gelê Kurdistanê dikeyin û pîrozbahiyên germ lê dikin.
Serkeftina pirosê bi giştî û serkeftina partiyame bi taybetî bi nîşaneka pirşengdara serkeftina xebata pir qurbaniya gelê me ye, bi kurd û turikman û kildan siriyan aşûrî û hemû ayîn û ayînzayên xwe ve, li pênava azadyê û dîmokirasyê û pêşkeftinê dizanîn û terxan dikeyin bo xizmetkirina zêdetir û gehiştin bi xewin û omêdên rewa yên milletê me.
Li roja 21/9 da gelê me çû ser sindûqên dengdanê û bi azadane deng bi xebata rizgarî duhî ya qurbanîdanê û evro ya avedanî û aramî û pêşkeftin û aynda geşitir û hemû ew destkefit, ku gelê Kurdistanê êxistîne ser nexşê pirşengdar li deverê û cîhanê, lewma em bi vê serkeftina me xwe bi qerzarên gelê xwe dizanîn û bi rêya karkirinê bo her çi zêdetir pêşkêşikirina xizmetgozariyan û rexsandina derfetên pêşkeftinê û xoşguzeraniyê û berfirehkirina biyavên azadyê û pişkdariyê di biriyara siyasîda, kardikeyin bo dana wan qeriz û sozên yek li dûv yekên bi gelê xwe dideyn ku xemsariyê nekeyin di bicihînana wî bernamê hewe bawerî pêday.
Pirosa helbijartinên vê carê li herêma Kurdistanê, destpêka qunaxeka nûye di jiyana siyasî û perlemanî û hukmiranî û karê pêk ve bo azadyê û geşepêdana Kurdistanê û xoşguzerana welatiyan, ku partî dîmokiratî Kurdistan bi bilindkirina dirûşimê (pêk ve ber bi Kurdistaneka geştir) da berçavkirî û kirî ye sîbera hewa bangeşa xwe û di encamda baweriya pitiriya xelkê Kurdistanê bi destiveyna û serkeftinek tomarikir ku hejî xebat û qurbanîdana xelkê Kurdistanê û partî û pêşimergê qehreman û kesukarên serbilindên şehîdan û hemû law û afiret û kariker û cutiyaran û texên Kurdistanê ku li pirosa geşepêdana Kurdistanêda bi rijdî di pişkdarin.
Partiya Demokrat a Kurdistanê di demekî da bi vê helkeftê pîrozbahiyên germ li cenabê serok Barzanî dike ku li vê qunaxa hestiyarda rêberiya ezmûn û pirosa avedankirina welatê û dîmokirasiy û pêşkeftina duza kurdewarî kirî ye, serkeftina lîsta xwe bi serkeftina gelê Kurdistanê û hemû hêzên siyasî û dîmokirasyê û geşepêdanê û aramiyê û pêgivejiyanê di hejmêrît û bi rêya karkirinê bo pêkînana hikûmeteka firelayenî ku li ser binemayê bernamekê nîştmanî karbike bo Kurdistaneka geştir û azad, ev serkeftine dêxe di xizmeta hemû welatiyan û wî binaxey pê hêztir dike ku li avahiyê çareseriya aştiyane ya doza rewaya kurdî li her çar parçên Kurdistanê.
Bijî kurd, bijî Kurdistan
Bijî avedanî û azadî
Serkeftin bo pêk vejiyanê û dîmokirasyê ye li bin sîbera Kurdistaneka geştir da
Mekteba siyasî
Partiya Demokrat a Kurdistanê
