ب ئامادەبوونا شاندەكی پارتی، ئێڤاریەكا ماتەمینی بۆ شەهیدێن شنگال ل ئەلمانیا ب رێڤە چوو
ژبۆ ئیدانا كرنا وان كریارێن تەرۆرستی لدژی ئێزدیێن شنگالێ، بنگەهێ لالش یێ رەوشەنبیری و كۆمەلایەتی – ئەلمانیا و ب ئامادبەوونا هەردوو لیژنێن پارتی ل دیسلدۆرف و هانۆڤەر پرسا شەهێدێن شنگال و چەند رێ رسم ل ئەلمانیا برێڤە برن.
د پەیڤەكێ دا خەلات شێخ موراد بەرپرسێ لێژنا ناوچا هانۆڤەر یا پارتی بال كشاندە لسەر هەڤخەمیا پارتی بۆ مالباتێن لێقەوماوێن وی كارێ تەرۆرستی یێ لدژی خەلكێ سڤێل ژ كوردێن ئێزدی ل شنگال هاتینە ئەنجامدان ژئالیێ نەحەزێن مرۆڤاتیێ ڤە.
شێخ خەلات گۆت ژی: ئەم ژب توندی وان هێرشان شەرمەزار دكەین و پشتەڤانیا خەلكێ شنگال ژ هەمی رووەكی ڤە دكەین.
ل رۆژا 18.05.2014 و بئامادەبوونا هژمارەكا مال و كۆمەلێن كوردێن ئێزدی ژ پارچەیێن جودایێن كوردستانێ و نوونەرێن پارتی دیموكراتی كوردستان و جەماوەركی مەزن لئێڤاریەكا ماتەمینی دا پرسە و بەهیا شەش گەنجێن شبگالی برێڤە چوو.
لهەیاما دەربازبوویی كرۆپێن توندرەو و تەرۆرستی بەردەوام هێرشا دكەنە لسەر كەسێن سڤێل ل شنگال و جۆتیارێن ئێزدی ل دەڤەرا رەبیعە، ل هەفتیا دەرباسبوویی ژبال گرۆپێن تەرۆرستی ڤە ل دەڤەرا رەبیعە شەش گەنج هاتینە شەهید كرن و ب هەزاران جۆتیار ژسەر بۆستانێن خوە رەڤیانە.
د وان رێ و رسماندا شەش كۆمەلێن ئێزدیان و ب ئامادەبوونا كەنالێن راگەهاندنا كوردستانی چەندێن بیر و بۆچوون دەربارەیی رێگرتن لڤان كارێن پیرۆرستی لدژی خەلكێ شنگال و ب تایبەتی ئاڤاكرنا هێزەكا پێشمەرگە و جێبەجێكرنا ماددا 140 و ڤەگەراندنا وان دەڤەران ژبۆ باوەشا كوردستانێ.
هەژار مدیر
