ئافره‌تێن قه‌زا ئامێدیێ بشته‌ڤانیا خوه بو هه‌ردوو لیستین پارتی دووپات دكه‌ن
ئامێدیێ-KDP.info- ب ئاماده‌بوونا (د. كه‌مال كه‌ركوكی) ئه‌ندامێ مه‌كته‌با سیاسی یا پارتی دیموكراتی كوردستان و(خسرو گوران) به‌رپرسێ ده‌زگه‌هێ هه‌لبژارتنێن پارتی و هه‌ژماره‌كا به‌رچاڤ ژ په‌رله‌مانتارێن ئیراقێ و كوردستانێ و به‌رپرس و رێڤه‌به‌رێن داموده‌زگه‌هێن میری و حزبی وهه‌ژماره‌كا به‌ربژارێن هه‌ردو لیستێن( 213 و 76 )و جه‌ماوه‌ره‌كێ ئێكجار زور، ئاهه‌نگه‌ك و شاهیه‌كا جه‌ماوه‌ری ژبۆ پشتگیریكرن ل هه‌ردوو لیستێن و كاندیدێن پارتی ژلایێ ژورا هه‌لبژارتنان ل سنورێ لقی18 ڤه هاته گێران.
پشتی خوله‌كه‌ك راوه‌ستان رێزگرتن بو گیانێ شه‌هیدان و سه‌ركاروانێ وان بارزانیێ نه‌مر و ئیدریسێ هه‌رده‌م ساخ، په‌یڤا ژورا هه‌لبژارتنان ل سنورێ لق18 ژ لایێ (فه‌ریق فاروق) به‌رپرسێ لقێ ڤه هاته خواندن و تێدا بخێرهاتن ب هه‌می بەر‌هه‌ڤبوویان كر و ته‌كه‌ز ل سه‌ر پشتگیریكرن و ده‌نگدان ب هه‌ردو لیستێن پارتیێ كر و كاندید دانه نیاسن و داخاز ژ د. كه‌مال كه‌ركوكی كر په‌یڤه‌كێ پێشكێش بكه‌ت.
ئه‌ندامێ مه‌كته‌با سیاسی یا پارتی دیموكراتی كوردستان (د. كه‌مال كه‌ركوكی)، دپه‌یڤا خودا سوپاسیا لقی18 و جه‌ماوه‌رێ ده‌ڤه‌رێ كر و ئاماژه دا مێژووا ده‌ڤه‌را ئامێدیێ و هاندانا خه‌لكی كر بو ده‌نگدانێ بو لیستا 213 بۆ جڤاتا نوونه‌رێن ئیراقێ و لیستا 76 بۆ جڤاتێن پارێزگه‌هێن هه‌رێمی و كاندیدێن ڤان هه‌ردوو لیستان. و با‌وه‌ریا خو دوپاتكر كو ئه‌نجامێن ڤێ جارێ دێ ژ یێن جارێن چوویی باشتر بن.
دناڤا ڤێ ئاهه‌نگێ دا (عایشا عه‌لی) به‌رپرسا ئه‌نجومه‌نێ ئافره‌تێن قه‌زا ئامێدیێ بشته‌ڤانیت خوه دوپات دكه‌ن وبو kdp.infoدبێژیت: ئه‌م وه‌كو ئه‌نجومه‌نا ئافره‌تێن قه‌زا ئامێدیێ بشته‌ڤانیا خوه بو هه‌ردوو لیستێن پارتێ ێن ژماره (213) و (76) دووپات دكه‌ین ژبه‌ركو پارتی هه‌مێ ئه‌و یاساێن دبه‌رژه‌وه‌ندێن پاراستنا ماڤێن ئافره‌تێ دا بشته ڤان بوویه و ده‌نگ لسه‌ر ڤێ چه‌ندێ دایه و ڤه‌كرنا رێڤه‌به‌رێن نه‌هێلانا توندو تیژیا ئافره‌تێ ل هه‌رێما كوردستانێ هه‌مێ ب بشته‌ڤانیا جه‌نابێ (نیچیرڤان بارزانی ) بو جێگرێ پارتی دیموكراتی كوردستان.
دیسان وان وه‌كو ئه‌نجومه‌نێ ئافره‌تێن ئامێدیێ به‌شداریه‌كا به‌رفره‌ه دئاهه‌نگا بشته‌ڤانیكرن بو هه‌ردوو لیستێن پارتێ كریه و مه‌ره‌م ژ ڤێ ئاهه‌نگێ ئه‌وه،وه‌كو ئافره‌ت پشته‌ڤانیا خوه بۆ سه‌رخستنا هه‌ردو لیستێن پارتی(213)بۆ جڤاتا نوینه‌رێن عیراقێ و (76) بۆ جڤاتا پارێزگه‌ها دهۆكێ دیار بكه‌ین.
ودڤێ ئاهه‌نگێ دائافره‌تان دوپاتكر كو ل رۆژا ده‌نگدانێدێ ده‌نگێ خوه ده‌نه هه‌ردو لیستێن پارتیو به‌ربژارێن وێ،چونكو پارته‌كه ب درێژاهیا مێژویێ خزمه‌تا خه‌لكێ كوردستانێ كریه و به‌ره‌ڤانی ژ ده‌ستكه‌فتێن نه‌ته‌وه‌یی یێن ملله‌تێ كورد كریه و هه‌تا نها شیایه خزمه‌ته‌كا باش دبوراێ خزمه‌تگوزاریا ندا بكه‌تن و ژبوی به‌رده‌وامیا ئه‌ڤان خزمه‌تگوزاریان دێ ده‌نگێ خوه ده‌ینه هه‌ردوو لیستێن پارتی.
