شانده‌كێ مه‌كته‌با سیاسى یا پارتى ب سه‌رپه‌رشتیا )سیداد بارزانى(سه‌ره‌ردانا مالا بابه شێخ و میر ته‌حسین به‌گ و لقێ20ىَ شیخان كر
شێخان-KDP.info/ئه‌ڤرو شانده‌كێ مه‌كته‌با سیاسى یا پارتى دیموكراتى كوردستان ب سه‌روكاتیا )سیداد بارزانى(ب نوینه‌راتیا سه‌روك بارزانى سه‌را مالا )بابه شێخ(دا وژنێزیك لسه‌ر ره‌وشا ژین وژیارو ساخله‌میا وى ئاگه‌هدار بوو.
ودهه‌ڤدیتنه‌كێدا به‌حسێ ره‌وشا ده‌ڤه‌رێ ب گشتى وكاروبارێن ئاینى وپێكڤه ژیانا برایانه دناڤبه‌را سه‌رجه‌م پێكهاتان كرژلایێ خوڤه بابه شێخ زێده‌بارى بخێرهاتنێ سوپاسیا پارتى دیموكراتى كوردستان كر كوهه‌ر ژدامه‌زراندنا خو گرنگیه‌كا مه‌زن ب پێكڤه ژیانێ دایه وبێى جوداهى خزمه‌تا هه‌مى پێكهاتان كریه‌وهه‌ر دچارچوڤێ سه‌را دانا خودا بو ده‌ڤه‌را شاندێ مه‌كته‌با سیاسى یا پارتى دیموكراتى كوردستان سه‌را )میر ته‌حسین سه‌عید به‌گ)میرێ ئێزدیان دا ودروینشتنه‌كێدا به‌حسێ ره‌وشا ده‌ڤه‌رێ وكاروبارێن ئێزدیان وئه‌و پێكڤه ژیانا دناڤبه‌را هه‌مى پێكهاتان دا هه‌ى وئه‌ڤ چه‌نده بو فه‌رهه‌نگا پێكڤه ژیانا دیروكى یا خه‌لكێ كوردستانێ زڤراند وهیڤى خواستن كو ئه‌ڤ په‌یوه‌ندیێن دیروكى یێن برایانه هه‌ر دبه‌رده‌وام بن.
دیسان ژبو خوبه‌رهه‌ڤكرنێ بو هه‌لبژارتنێن په‌رله‌مانێ عیراقێ وجڤاتێن پارێزگه‌هێن هه‌رێمێ وسه‌رئێخستناڤێ پروسسێ ئه‌ڤرو شانده‌كێ مه‌كته‌با سیاسى یا پارتى دیموكراتى كوردستان ب سه‌روكاتیا )سیداد بارزانى ( سه‌را باره‌گایێ لقێ بیستێ پارتى دیموكراتى كوردستان دا وژلایێ (عه‌لى عه‌ونى ) به‌رپرسێ لقێ بیستێ پارتى ل شێخان پێشوازى لێ هاته كرن .
دروینشتنه‌كێدا به‌حسێ ره‌وشا ده‌ڤه‌را مویسل ب گشتى و ئێمناهیا ده‌ڤه‌رێ و رولێ هێزێن پێشمه‌رگه و ئاسایشێ د پاراستنا ئێمناهێ دا ل وان ده‌ڤه‌ران كر ، هه‌روه‌سا به‌رنامێ خزمه‌تكرنا ده‌ڤه‌رێ وگرنگیا ئه‌نجامدانا هه‌لبژارتنان و چاوانیا ئه‌نجامدانا وان هه‌لبژارتنان وه‌ك گرنتیه‌ك بو پاراستنا هه‌مى پێكهاتێن ده‌ڤه‌رێ و دته‌وه‌ره‌كێ دى ئاماژه ب وێ سزادانا نه‌قانونى ونه‌دستورى یا حكومه‌تا به‌غدا یا دژى وه‌لاتیێن هه‌رێما كوردستانێ كركو ئه‌ڤه ده‌مه‌كه موچێن فه‌رمانبه‌رێن هه‌رێمێ برینه ڤێ چه‌ندێ ژى كارتێكرنه‌كا خراب كریه سه‌ر ره‌وشا ژیانا وه‌لاتیان وبه‌رهه‌ڤبویان هیڤى خواستن كو حكومه‌تا به‌غدا كێشێن سیاسى تێكه‌لى كێشێن مروڤایه‌تى نه‌كه‌ت.
ولدوماهیێ هیڤى خواستن كو خه‌لكێ ده‌ڤه‌رێ ب گشتى پشكدارى دپروسا هه‌لبژارتنان دا بكه‌ن وده‌نگێ خو بده‌نه لیستێن پارتى دیموكراتى كوردستان وبه‌ربژێرێن وێ چونكه زامنێ پاراستنا مافێن ره‌وایێن خه‌لكێ كوردستانێ نه.
دلَدار ئیبراهیم
