نوونه‌رێن ده‌ڤه‌را چه‌مانكێ پشته‌ڤانیا خو بو به‌ربژارێن پارتی دوپاتكر

ده‌ڤه‌را چه‌مانكێ- KDP.info / هه‌لبژارتی و كه‌سایه‌تی و ریهسپیێن ده‌ڤه‌را چه‌مانكێ پشته‌ڤانیا خو بو كاندیدێن پارتی دیموكراتی كوردستان ژ هه‌ردوو لیستێن (76) و (2013) دوپاتكر ل روژا چوارشه‌مبی رێكه‌فتی 9/4/2014.

دكومبونه‌كێدا ل هولا لیژنا ناوچا چه‌مانكێ (ئیبراهیم ئه‌حمه‌د) سه‌رپه‌رشتێ میحوه‌رێ چه‌مانكێ بو هه‌وا هه‌لبژارتنان و ب به‌رهه‌ڤبوونا (هه‌ڤال محه‌مه‌د شه‌ریف) رێڤه‌به‌ری ناحیا چه‌مانكێ و (زوبێر نه‌جمان) به‌ربرسی ل .ن چه‌مانكێ، د په‌یڤه‌كێدا بو هه‌لبژارتی و كه‌سایه‌تی و ریهسپیێن نوونه‌رێن خه‌لكێ ده‌ڤه‌را چه‌مانكێ ئاماژه‌ ب گرنگیا ڤان هه‌لبژارتنان دا ژ بو به‌رده‌و‌امیدان ب پێشكه‌فتنا كوردستانێ و و گوت ده‌نگدان بو هه‌ردوو لیستێن پارتی (76) یا جڤاتا پارێزگه‌هان و (213) یا په‌رله‌مانێ ئیراقێ مسوگه‌ركرنا ده‌سكه‌فتێن مه‌زنتره‌، هه‌روه‌سان هێژای ئاماژه‌دا گرنگییا هه‌ر ده‌نگه‌كی كو نابیت كێم خه‌می بهێت كرن و هه‌ر كه‌سه‌ك بهایێ ده‌نگێ خو بزانیت، هه‌روه‌سان به‌رپرسێ میحوه‌ری شێوازێ ده‌نگدانا دروست بو به‌هه‌ڤبوویان دیاركر كو پێتڤییه‌ كیان (76) یان (2013) ژ هه‌ر فورمه‌كێ بهێته‌ نیشانكرن ئه‌گه‌ر نه‌ ئه‌و ده‌نگ ناهێته‌ هژمارتن و لدووڤدا ژمارا به‌ربژێری.

ژ لایێ خوڤه‌ هه‌لبژارتی و كه‌سایه‌تی و ریهسپیێن ده‌ڤه‌را چه‌مانكێ به‌رهه‌ڤیا خو دوپاتكر كو مال مال بچن و هاندانا هه‌می خه‌كێ خو بكه‌ن ژبهو ده‌نگدان بو پارتی. و ب ئالوگوركرنا پێشنیار و را و بوچونان ژبو سه‌رخستنا پروسا هه‌لبژارتنان و لیست و به‌ربژێرێن پارتی ب گشتی و یێن ده‌ڤه‌را ئامێدیێ ب تایبه‌تی كومبون ب دوماهیێ هات.