ل شێلادزێ، نمایشكرنا كیمیا بارانكرنا هه‌له‌بچه روندك باراندن
ب به‌رهه‌ڤبوونا نێزیكی (١٠٠٠) كه‌سان و ب نمایشكرنا پارچه درامایه‌كێ ل دور كاره‌ساتا هه‌له‌بچه و خواندنا چه‌ند په‌یڤ و هه‌لبه‌ستان و راوه‌ستان ژ پییان ڤه (٥) خوله‌كان، شێلادزێ یادا كیمیابارانكرنا هه‌له‌بچه ل بیرئینا و رێز ل شه‌هیدان گرت ل روژا ئێكشه‌مبی رێكه‌فتی ١٦/٣/٢٠١٤ و ل ناڤا بازارێ ناحیا شێلادزێ.
ژ بزاڤ و چالاكیێن لیژنا ناوچا شێلادزێ یا پارتی دیموكراتی كوردستان و ب هه‌ماهه‌نگی دگه‌ل رێڤه‌به‌ریا ناحیا شێلادزێ و ب به‌رهه‌ڤبوونا (ئه‌یسه‌ر جه‌رجیس) رێڤه‌به‌رێ ناحیێ و (محه‌مه‌د سه‌لیم نێروه‌یی) به‌رپرسێ لیژنێ و هه‌ژماره‌كا به‌رپرس و رێڤه‌به‌ر و كارمه‌ندێن داموده‌زگه‌هێن میری و حزبی و جه‌ماوه‌ره‌كێ زور ژبو ساخكرنا بیره‌وه‌ریا كیمیابارانكرنا هه‌له‌بچه و رێزگرتن ل قوربانیێن بێ گونه‌هێن ڤێ تاوانا هوڤانه‌یا دژی مروڤایه‌تیێ رێو ره‌سمه‌كێ ژ هه‌ژی ل نیڤا بازارێ شێلادزێ هاته گێران .
زێده‌باری راوه‌ستان ژ پییان ڤه بێ ده‌نگ بو هه‌یاما (٥) خوله‌كان، كوما كوره‌ژار یا هونه‌ری ب پالپشتیا لیژنا شێلادزێ درامایه‌كا زیندی پێشكێشی به‌رهه‌ڤبوویان كر و تێدا ئه‌كته‌ران چه‌ند دیمه‌نێن دلته‌زین به‌رچاڤكرن و بونه جهێ رێز و سه‌رنجا خه‌لكی و كارتێكرن لسه‌ر هه‌ستا وان كر ب ره‌نگه‌كی كو گه‌له‌كا روندك باراندن.
هه‌روه‌سان دڤان رێوره‌سمان دا دوو په‌یڤ ژ لایێ رێڤه‌به‌رێ ناحیێ و به‌رپرسێ لیژنێ ڤه هاتن پێشكێش كرن و تێدا ئاماژه دا خه‌باتا گه‌لێ كورد ب درێژاهیا مێژووه‌كا درێژ ل دژی دوژمنان و ئه‌و كاره‌ساتێن مه‌زن یێن بسه‌رێ میلله‌تێ كورد هاتین لسه‌ر ده‌ستێ دوژمنان كو هه‌له‌بچه ننمونه‌كه ژ وان، دیسان ئاماژه ب بریارا ب پارێزگه‌هكرنا هه‌له‌بچه دا و پیروزباهی ل خه‌لكێ وێ كر.
دیسان (٣) هه‌لبه‌ستێن نه‌ته‌وه‌یی و لدور كاره‌ساتا هه‌له‌بچه هاتن پێشكێش كرن.
ژ هه‌ژی گوتنێ یه ڤان رێو ره‌سمان بو هه‌یانا (٢) ده‌مژمێرا ڤه‌كێشا
عه‌لی رێكانی – قه‌دش
