ئه‌نجومه‌نێ قه‌زا زاخۆ یا ئێكه‌تیا ئافره‌تان دێ داینگه‌هه‌كی ڤه‌كه‌ت

زاخو/ ئه‌نجومه‌نێ قه‌زا زاخۆ یا ئێكه‌تیا ئافره‌تان مژوولی ڤه‌كرنا داینگه‌هه‌كی نه‌ بۆ زارۆیێن ماموستا و فه‌رمانبه‌ران و ره‌زامه‌ندیا ساخله‌میا گشتی وه‌رگرتینه‌ و ل نزیك هه‌یڤه‌كا دی دێ داینگه‌هـ هێته‌ ڤه‌كرن.

سه‌میرا حه‌سه‌ن عه‌بدوللا به‌رپرسا ئه‌نجومه‌نێ قه‌زا زاخۆ یا ئێكه‌تیا ئافره‌تێن كوردستانێ تایبه‌ت بۆ ئاژانسا پیدیكه‌ی زاخۆ خۆیاكر كو ئه‌و نوكه‌ به‌رهه‌ڤییان دكه‌ن بۆ ڤه‌كرنا داینگه‌هه‌كێ بۆ زارۆیێن ژیێ وان دناڤبه‌را (8 هه‌یڤی هه‌تا 3 سال و نیڤان دا) ل باره‌گایێ ئه‌نجومه‌نێ زاخۆ یا ئێكه‌تیا ئافره‌تان ل زاخۆ و ل ده‌مه‌ك نزیك دبیت تا هه‌یڤه‌ك دی یان كێمتر داینگه‌هـ بهێته‌ ڤه‌كرن.

به‌رپرسا ئه‌نجومه‌نێ قه‌زا زاخۆ یا ئێكه‌تیا ئافره‌تان ئه‌و ژی ئاشكرا كر كو داینگه‌هـ دێ د هه‌ر چوار وه‌رزێن سالێ دا یا ڤه‌كری بیت و گۆت: مه‌ 2 چاڤدێر و خزمه‌تكار بۆ ده‌ستنیشانكرینه‌ و زێده‌باری كو جهێ داینگه‌هێ دێ یێ به‌رفره‌هـ بیت و مه‌ ره‌زامه‌ندیا ساخله‌میا گشتی ژی وه‌رگرتیه‌ و ل ده‌مێ زارۆ دهێنه‌ وه‌رگیتن ژی دێ ب شێوه‌یه‌كێ ساخله‌م چاڤدێریا وان هێته‌ كرن دگه‌ل پێدانا خارنێ بۆ زارۆیان به‌رامبه‌ر پاره‌یه‌كێ ره‌مزی یێ كێم د هه‌یڤێ دا.