ل جەمانکێ ، بو پشتگیریا لیستا (١١٠) شێخ ئەدهەم بارزانی سمینارەک گێرا و ئاهەنگەکا جەماوەری برێڤەچوو
جەمانکێ - KDP.info/ دبەردەوامیا سەرەدانا خودا بو لقێ ١٨ و کومبون دگەل تەخ وچینێن جودا شێخ ئەدهەم بارزانی ئەندامێ سەرکردایەتیا پارتی دیموکراتی کوردستان و ب بەرهەڤبوونا فریق فاروق بەرپرسێ لقێ ١٨ و هژمارەکا بەرپرس و کاربدەستێن حزبی و لەشکەری و میری و هەر (٤) کاندیدێن دەڤەرێ و جەماوەرکێ ئێکجار زور ، ل چەمانکێ بەرهەڤی ئاهەنگەکا جەماوەری بوو کو ژلایێ لیژنا ناوچا چەمانکێ ڤە هاتیە رێکخستن بو پشتگیریا لیستا (١١٠) و سمینارەک پێشکێشی خەلکێ دەڤەرێ کر ل روژا ئێک شەمبی رێکەفتی ١٥/٩/٢٠١٣ .
پشتی بەرپرسێ لقێ بخێرهاتنا ئامادەبویان کری ژێ خاست خولەکەک رێزگرتن بو گیانێ شەهیدان و سەرکاروانێ وان بارزانیێ نەمر وئیدریسێ هەردەم ساخ ژ پیانڤە راوەستن ، پاشان داخاز ژ هەر چار کاندیدێن پارتی ل سنورێ لقێ ١٨ (د. عبدالله جاسم رێکانی ، عبدالسلان بەرواری ، عەلی سپینداری ، نجات محمد نهێلی) کر خو بو جەماوەری بدەنە نیاسین و پەیاما خو بگەهیننێ.
ل دووڤدا شێخ ئەدهەم بارزانی ئەندامێ سەرکردایەتیا پارتی سمینارەک پێشکێشی بەرهەڤبوویان کر وتێدا زێدەباری بەحس ل خەبات و شورەشێن کوردی بگشتی و یێن کوردستانا باشور بتایبەتی وژوان شورەشێن بارزان و ئەیلول و گولان و سەرهلدانێ و رول خەباتا بنەمالا بارزان و ٦٧ سالێنن خەباتا بێ راوەستانا پارتی و دەسکەفتێن ئەڤرو ب بەرهەمێ ڤان شورەشان و پارتی و خوینا شەهیدان و تێکوشینا پێشمەرگێن قارەمان زانی و رولێ خەلکێ دەڤەرا بەهدینان ب رولەکێ بەرچاڤ و مەزن ناساند .
هەلبژارتن تەوەرێ سەرەکیێ سمینارا جەنابێ شێخی بوو و تەکەز لسەر گرنگیا دەنگێ هەر تاکە کەسەکی کر و دوپاتکر کو خەلکێ ڤێ دەڤەرێ ب ئاوارەبوون و خوین وەفادرایا خو بو پارتی و رێبازا بارزانیێ نەمر دیارکریە و ئەڤرو گومان د دەنگدانا وان دا نینە بو لیستا ١١٠ و کاندیدێن وێ و پێتڤی ناکەت کەسەک ڤێ داخازێ ژێ بکەت.
د بەردەوامیا سمینارا خودا ئەندامێ سەرکردایەتیئا پاارتی تێشک خستنە سەر بەرنامێ لیستا ١١٠ یا پارتی و ب بەرنامێ خزمەتکرنێ وەسف کر و ئاماژە دا دروشمێ لیستێ (پێکڤە بەرەف کوردستانەکا گەشتر) و دوپاتکر کو سەروکاتیا هەرێمێ و سەروکاتیا حکومەتا هەرێمێ هەمی شیان ژبو ئەڤەدانکرنا کوردستانێ تەرخانکرینە وئەڤرو گەشبوویە ب سەرکردایەتیا پارتی دێ گەشتر لێ هێت و تا دگەهیتە دەولەتبوونێ.
و ل داویێ ب چەند بزاڤ و چالاکیێن هونەری بەردەوامی ب ئاهەنگێ هاتەدان و خەلکێ دەڤەرێ ب چەپلە و بلندکرنا ئالایێن زەرێن پارتی و دروشمێن پارتایەتی ب جوش و گەرماتیەکا بەرچاڤ دەربرین ژ پشتگیریا خو بو لیستا ١١٠ کر.
