شێخ ئه‌دهه‌م بارزانی: دوزا ملله‌تێ كورد دوزه‌كا مه‌زنه ددرێژاهیا دیروكێدا هێشتا دروژهه‌لاتا ناڤین دا مایه ونه‌هاتیه چاره‌كرن
قەدش- KDP.info / دبه‌رده‌وامیا سه‌ره‌دانا خودا بوده‌ڤه‌رێ ئیرو شێخ ئه‌دهه‌م بارزانی نونه‌رێ سه‌روك بارزانی وئه‌ندامێ سه‌ركردایه‌تیا پارتی دیموكراتی كوردستان وبه‌رپرسێ میحوه‌رێ قه‌زا ئامێدیێ د هەوا بانگەشاهه‌لبژارتنان دا ب ئاماده‌بونا فه‌ریق فاروق به‌رپرسێ لقا18یا پارتی و قایمقامێ ئامێدیێ وژماره‌كا مه‌زنا به‌رپرسێن میری وحزبی و لەشکەری دوو سمینار پێشکێشکرن ل هولا بێناتا ل كومه‌لگه‌ها قه‌دشێ روژا دووشەمبی رێکەفتی ٩/٩/٢٠١٣.یا ئێکێ بو ریهسپی و قوتابی و لاو و ئافرەتان و بەرپرسێن رێکخراو و بنکا ژ خه‌لكێ سنورێ لیژنێن نافخویی سه‌رسنكێ،بامەرنێ و ئامێدیێ . و سمینارا دووێ بو فەرمانبەرێن ئەندام و لایەنگرێن پارتی ل دامودەزگەهێن میری دا.
پشتی بەرپرسێ لقێ بخێرهاتنا مێهڤانان کری داخواز ژ ئامادەبوویان کر خوله‌كه‌ك راوه‌ستیان لسه‌ر گیانێ پاكێ شه‌هێدان وسه‌روه‌رێ وان بارزانیێ نه‌مر وكاك ئدریسێ هه‌رده‌م ساخ راوەستن، لدووڤدا هه‌ر چوار كاندیدێن ده‌ڤه‌رێ (عه‌لی سپینداری، نه‌جات نهێلی، د عه‌بدولا جاسم رێكانی، عه‌بدولسه‌لام به‌رواری) خو بو ئاماده‌بویان دانیاسین وكارو به‌رنامه‌یێ خو بو وان دیاركر .
شێخ ئه‌دهه‌م بارزانی ل ده‌ستپێكا سمینارا خو رێزو سلاڤێت سه‌روك بارزانی گه‌هاندنه خه‌لكێ ده‌ڤه‌رێ وپاشان به‌حسێ دیروكا گه‌لێ كورد كر وئه‌و قوناغێن كورد تێدا ده‌ربازبوین ودیاركر دوزا ملله‌تێ كورد دوزه‌كا مه‌زنه ددرێژاهیا دیروكێدا هێشتا دروژهه‌لاتا ناڤین دا مایه ونه‌هاتیه چاره‌كرن وهه‌رچوار ده‌وله‌تێن جیران تانها دئاماده‌نینن دان پێدانێ ب مافێن ڤی گه‌لی بكه‌ن دیسان دیاركر ژبه‌ر وێ زورداریا ب سه‌رملله‌تێ كوردا هاتی بارزانیێ نه‌مر ده‌ست دا شوره‌شێ ودیروك شاهده دیسان دسمینارا خودا به‌حسێ سێداره‌دانا شێخ عه‌بدولسه‌لام بارزانی كر ل سالا 1914 ژئالیێ عوسمانیان ڤه وخه‌بات نه‌راوه‌ستا تا ئینگلیز هاتینه دناڤا عێراقێدا وده‌وله‌تا عوسمانیا ژناڤبری تا دامه‌زراندنا ده‌وله‌تا عێراقێ ل سالا1921خه‌باتا به‌رده‌وام بو شوره‌شا ده‌ستپێكرن تا نها ئه‌ف خه‌باته یابه‌رده‌وامه وئازادیا ئیرو به‌رهه‌مێ خوینا شه‌هیدێن گه‌لێ كوردو پارتیا دیموكراتا كوردستانێ یه، شێخ ئه‌دهه‌م دسمینارا خودا به‌حسێ قوربانیدانا خه‌لكێ ده‌ڤه‌را به‌هدینان كر شورەشێن ئەیلول و گولان و دسه‌رهلدانا پیروزا سالا1991وگوت ئه‌و قوربانیدانا خه‌لكێ ڤێ ده‌ڤه‌رێ دای چ جار ناهێته ژبیركرن ددیروكێ دا و دیاركر ره‌نگه بو جارا ئێكێ بیت ئه‌زدگه‌ل خه‌لكێ ڤێ ده‌ڤه‌رێ كومبم و مه‌ره‌م ژهاتنا من بوده‌ڤه‌رێ بو هەوە هەمیان یا دیار بیت کو ده‌نگدانە بو پارتی ولستا110 و نونه‌رو كاندیدێن پارتی، بەلێ هەوە بەری نها ب خوین رێتن دەنگ دایە پارتی لەوما یا ئاسان نینە ئەف داخازە ژ هەوە بهێتەکرن ژبەرکو هوین خودانێن پارتینە، دئالیه‌كێ دیێ سمینارا خودا به‌حسێ هه‌وا پروپاگنده‌یا هه‌لبژارتنان كر وداخازكر ب ئارامی ول دیڤ رێنمایان پروپاكنده بهێته‌كرن وداخاز ژهه‌موو خه‌لكێ ده‌ڤه‌رێ كر ل 21ڤێ مه‌هێ به‌ره‌ف سندوقێن ده‌نگدانێ بچن وده‌نگی بده‌نه لیستا ژمارا (110) وكاندیدێن وێ وب ئانه‌هیا خودێ ب پشته‌ڤانیا خه‌لكێ مه وپارتی دێ هه‌موو قوناغا بریت ودێ ده‌ست هه‌لاته‌كا نمونه ل هه‌موو عێراقێ به‌رهه‌م ئینیت ومن باوه‌ریا هه‌ی پارتی دێ دهه‌لبژارتنان دا سه‌ركه‌فتنه‌كا به‌رچاف ومه‌زن ئینیت ول داویێ دیاركر كوردستان مالا مه هه‌موویانه وپاراستناوێ ئه‌ركێ هه‌موو هاولاتی ولایه‌نێن سیاسی یه.
زێدەباری ئەڤێن ل سەری د سمینارا دووێ دا تەکەز لسەر رول و ئەرکێ فەرمانبەران کر ژبو خزمەتکرنا تەڤایا تەخ وچینێ وەلاتیان و ب تایبەتی خێزانێن سەربلندێن شەهید و ئەنفالکری وپەککەفتی و پێشمەرگەیان و سەرەرای دیارکرنا باوەریا خو ب دلسوزی و رژدیا فەرمانبەران د کارێن خودا داخاز ژێکر پتر د خەمخوربن و هەمی شیانان تەرخان بکەن بو کارێ خو ژبەرکو حکومەت ژوان و خەلکی یە و بو خەلکی یە و ب سەروکاتیا پارتی و کاک نێجیرڤان بارزانی یە.
