شێخ ئەدهەم بارزانی سەرا رێڤەبەریا ناحیا سەرنکێ دا
قەدش KDP.info/ دبە ردەوامیا سەرەدانا خودا بو دەڤەرا ئامێدیێ و بو ژ نێزیک هایداربوون دور رەوشا دەڤەرێ رێزدار شێخ ئەدهەم بارزانی ئەندامێ سەرکردایەتیا پارتی دیموکراتی کوردستان دگەلدا فەریق فاروق بەرپرسێ لقێ١٨ سەرەدانا رێڤەبەریا ناحیا سەرسنکێ کر و ژلایێ مشیر محمد رێڤەبەرێ ناحیێ پێشوازی لێ هاتکرن ل روژا دووشەمبی رێکەفتی ٩/٩/٢٠١٣ .
درونشتنەکێدا ڕیڤەبەرێ ناحیێ تێشک خستنە سەر کار و پروژێن هاتین ئەنجامدان ویێن دبوارێ بجهئینانێ دا ودیسان پروژێن دەڤەرێ پێتڤی پێ هەی د بیاڤێن جودا جودا دا، ڕیڤەبەرێ ناحیێ تەکەز لسەر کەرتێ گەشت و گوزاری کر و گوت چەندین پروژێن گرنگ دێ ل دەڤەرێ هێنە ئەنجامدان ژوان پروژەکێ مەزن ل سەرێ گارەی وتلفریک زێدەباری نویژەنکرنا هوتێلا بەری (فندق حجری) ل سەرسنکێ ب کوژمێ پێنچ ملیار دیناران، دیسان ئاماژە دا هژمارەکا ئاریشێن وەلاتیا و ژوان ئاریشێن ئەردی.
ژلایێ خوڤە شێخ ئەدهەم بارزانی ئەندامێ سەرکردایەتیا پارتی و هنارتێ سەروکێ هەرێمێ دەستخوشی ل رێڤەبەرێ ناحیێ کرن و بەرهەڤبوونا خو دیارکر بو هەر کارەکێ پێتڤی ژبو خزمەتا وەلاتیان ودوپاتکر کو هەردەم رێزدار سەروکێ هەرێمی دوپاتی لسەر خزمەتکرنا وەلاتیان و دابینکرنا ئەمن و ئاسایش و خزمەتگوزاریان بو وەلاتیان کریە و ژ ئەولەویاتێن جەنابێ ویە .
