لالش: كوردێن ئێزدی دەنگێ وان بۆ لیستا ١١٠یا پارتی دیموكراتی كوردستانە
شێخان KDP.info/ بنگەهێ لالش یێ رەوشەنبیری و كۆمەلایەتی – ئەلمانیا بانگی هەمی دەنگدەرێن كوردێن ئێزدی و لایەنگەر و ئەندامێن خوە دكەت دەنگێ خوە بدن لیستا 110 یا پارتی دیموكراتی كوردستان ژ بۆ پەرلەمانێ داهاتوویێ كوردستانێ .
خەلات شێخ مراد سەرۆكێ رێڤەبەریا بنگەهێ لالش - ئەلمانیا تایبەت ب رادیۆ و ئاژانسا پەیامنێر داخویانی دان و گۆت : ژ بۆ كوردستانەكا گەشتر و پاراستنا ئەمن و ئاسایشا كوردستانێ و پرۆسسا بهەڤرە ژیانێ ،داخواز ژ هەمی كوردێن ئێزدی دكن دەنگێ خوە بدن رێبازا پیرۆزا بارزانی و پارتی كو ئەو ژی لیستا 110 ، سەرۆكێ لالشا ئەلمانیا گۆت ژی : ئەم كوردێن ئێزدی باشترین پشتەڤانێن هەمی ئاین و مەزهەب و نەتەوەیێن جودا جودایێن كوردستانێ رێبازا بارزانی دبینن .
بنگەهێ لالش كو تایبەتە ب كوردێن ئێزدی ڤە و خوەدی هژمارەكا زۆرە مەزنە ژ لایەنگەر و ئەنداما یە ،سەرەرایێ پاراستن و پێشدابرنا رەوشا ئێزدیان و ئێزدیاتیێ ژ گرنكترین ئارمانجێن وێ ئەوە پاراستنا ناسنامایا نەتەوەیا یە كوردێن ئێزدی وەك كوردێن رەسەنە .
سەبارەت پرۆپاكەندەیا هەلبژارتنان كو نەها ل كوردستانێ پارتی و ئالیێن بەشداربوویی دەست پێكرنە ، شێخ خەلات خوەش حالیا بنگەهێ لالش دەربری لسەر وێ پشتەڤانیا جەماوەرێ كوردستانێ بۆ لیستا پارتی 110 ب تایبەت پشتەڤانیا كوردێن ئێزدی بۆ بەربژێرێن لیستا ناڤهاتی و ب تایبەت بەربژێرێ كوردێن ئێزدی دناڤ لیستا پارتی دیموكراتی كوردستان دە بەرێز شێخ شامۆ ژمارە 17 یە .
وی بەرپرسێ لالشێ ئیماژە ب پرۆسسێن دەرباز بوویی یێن هەلبژارتنان دا گۆت : پشت بەستن ب هەلبژارتنێن دەرباز بوویی تێتە چاڤەرێكری 90 % دەنگێن كوردێن ئێزدی بۆ لیستا 110 پارتی بن
