شێخ ئەدهەم بارزانی دروونشتنەکا ڤەکریدا دگەل گەنجێن دوسکی ژوریا
ئامیدیێKDP.info/ د بەردەوامیا بزاڤ وچالاکیێن خودا ل دەڤەرا ئامیدیێ رێزدار شێخ (ئەدهەم بارزانی) ئەندامێ سەرکردایەتیا پارتی دیموکراتی کوردستان، ب بەرهەڤبوونا هێژایان (فریق فاروق) بەرپرسێ لقێ ١٨ی (پ.د.ک) و کادر و پیشمەرگە (محمد محسن) ئێکەم بەرپرسێ لقێ ١٨دگەل هژمارەکا گەنجێن هوزا دوسکی ژووریا روونشت ژبو گوهداریا بیرو بوچوون و داخوازیێن وان لروژا شەمبی رێکەفتی ٧/٩/٢٠١٣ ل هولا لقێ.
ل دەستپێکا ڤێ روونشتنێ بەرێز ئەندامێ سەرکردایەتیا پارتی ب کورتی لدور رولی خەلکێ دەڤەرا قەزا ئامێدیێ ب گشتی و ژوان خەلکێ هوزا دوسکی ژووریان د خەبات و شورەشان دا و ب تایبەتی دگەل بارزانیێ نەمر و شورەشێن ئەیلول وگولانێ پەیڤی و گەنجێن بەرهەڤبووی ب کورێن پیشمەرگێن قارەمان نیاسین کو رولێ وان چ جاران ناهێت ژبیرکرن.
لدویڤدا دەرفەت ب گەنجان هات دان ژبو دەربرین ژ راو بوچونێن خو و بەرچاڤکرنا داخوازیێن خەلکێ خو، و راپورتەک رادەستی جەنابێ شێخ ئەدهەم بارزانی کر.
پشتی گوهداریا راپورتێ و بوچونێن گەنجان بەرێز شێخ ئەدهەم بارزانی دوپاتکر کو ب هەمی شیانان پشتەڤانیا داخوازێن وان بکەت وراو بوچونێن وان لبەر چاڤ بهێن وەرگرتن .
لدووڤدا هەر ئێک ژ (فریق فاروق) بەرپرسێ نها یێ لقێ و (محمد محسن) بەرپرسێ بەرێ یێ لقێ ١٨ لدور رەوشا دەڤەرێ و کیم و کاسی وپێتڤیێن هەر جهەکی پەیڤین و دوپاتکر کو ئەو رێژا بودجێ و پروژێن بو دەڤەرێ دهێنە تەرخان کرن کێم و کاسیێن دەڤەرێ چارە ناکەن و پێتڤی ب هاریکاری و چاڤدێریەکا تەیبەت هەیە.
