كوچبه‌ریا جیهانی بهه‌ڤكاریا لیژنا خابوور كه‌لوپه‌لێن كاركرنێ ل سه‌ر ئاكنجیێن زاخۆ به‌لاڤ دكه‌ن

زاخو-KDP.info/ رێكخراوا كوچبه‌ریا جیهانی ب هه‌ڤكاریا لیژنا ناڤخۆیا خابووریا پارتی دیموكراتی كوردستان، كه‌لوپه‌لێن و پێدڤیێن كاری بۆ خه‌لكێ زاخۆ دابین دكه‌ن، و ئه‌ڤرۆ ژی ب كوژمێ 15000$ كه‌لوپه‌ل پێشكێشی به‌شداربوویێن خوله‌كا فێركرنا كاری كرن.

حه‌كیم عه‌بدوللا به‌رپرسێ لێژنا ناڤخۆیا خابوور خۆیاكر كو رێكخراوا كوچبه‌ریا جیهانی ب هه‌ڤكاریا لیژنا ناڤخۆیا خابوور یا پارتی رابووینه‌ ب ڤه‌كرنا خۆلێن پێگه‌هاندنا شیانان ژبۆ كاركرنێ بۆ هژماره‌كا ئاكنجیێن ده‌ڤه‌را زاخۆ، كو د مه‌ها ره‌مه‌زانێ دا خۆل بۆ 19 كه‌سان هاتبوو ڤه‌كرن و پاشان كه‌لوپه‌لێن كاركرنێ ل سه‌ر وان هاتنه‌ به‌لاڤكرن بۆ هندێ بشێن ب زه‌ند و باسكێن خوه‌ كاری بكه‌ن و ره‌وشا ژیانا خوه‌ باش بكه‌ن و هه‌ر ب ڤێ هه‌ماهه‌نگیێ ئه‌ڤرۆ ژی مه‌ شیا كه‌لوپه‌لێن كاركرنێ مینا كومپیوته‌ر و ئامیرێن دریار و كه‌لوپه‌لێن كاره‌بایی و موه‌لیده‌یێن كاره‌بێ و هتد كو كوژمه‌یێ بوهایێ كه‌لوپه‌لان نزیكی 15000$ دكه‌ڤیت ل سه‌ر 15 ئاكنجیێن سه‌نته‌رێ باژێرێ زاخۆ به‌لاڤ كه‌ین پشتی كو پێش دوو رۆژان خۆله‌ك بۆ ڤان كه‌سان هاتبوو ڤه‌كرن.

حه‌كیم عه‌بدوللا ئه‌و ژی خۆیاكر كو پشتی مه‌ها 12ێ دێ هه‌ول هێته‌ دان خزمه‌تا 70 كه‌سێن دی ژی بهێته‌ كرن كو به‌شداری خۆلێ ببن و پاشان كه‌لو په‌ل ب وان بهێته‌ دان ئه‌ڤێن كو د كێم ده‌رامه‌ت بن و دێ پشته‌ڤانیێ لێ كه‌ین كو د كاره‌كی دا بشێت ژیانا خوه‌ ب شێوه‌یه‌كێ نورمال ده‌رباز كه‌ت و ب ئومێدین ئه‌ڤ بزاڤه‌ دێ د به‌رده‌وام بن بۆ خه‌لكێ باژێرێ زاخۆ.