شاندێكی ئەڵمانی كارو چالاكییەكانی دەزگای خێرخوازیی بارزانی لە كامپی دۆمێز بەرز دەنرخێنن
دهۆک – تایبەت بە KDP.info/ بەمەبەستی ئاگاداربوون لە رەوش و گوزەرانی ئاوارەكانی رۆژئاوای كوردستان و چۆنیەتی خزمەتكردنیان، شاندێكی ئەڵمانی بە سەرۆكایەتی دیرییك نیبل وەزیری ئابووری و گەشەپێدان و كونسوڵی ئەڵمانیا لە بەغداو هەولێر سەردانی كامپی دۆمێزیان كرد.
لەمیانی بەسەركردنەوەی رەوشی ئاوارەكاندا، شاندەكە سەردانی بنكەی دابەشكردنی هاوكارییەكانی دەزگای خێرخوازیی بارزانی-یان كرد، لە كامپەكە كە بەهاوكاری رێكخراوەكانی IRو WFPجێبەجێ دەكرێن.
سەرچاوەیەک بە KDP.infoراگەیاند: هاوكات شاندەكە كار و چالاكییە بەردەوامەكانی دەزگای خێرخوازیی بارزانی-یان بەرز نرخاند لە خزمەتگەیاندن بە خێزانە ئاوارەكان، جگە لە كامپی دۆمێز كە بەشێوەیەكی بەردەوام هاوكاری و یارمەتی خێزانە ئاوارەكان دەكات، لە سەرجەم ناوچەكانی هەرێمی كوردستان. هاوكات دەستخۆشیان لە ستافی بەڕێوەبردنی بنكەی دەزگای خێرخوازیی بارزانی كرد و هیوای سەركەوتنیان بۆ خواستن لە هاوكاریكردنی زیاتری ئاوارەكان.
