دەزگای خێرخوازی بارزانی خولەكا بیركاری بو 26قوتابیان ڤەدكەتن

دیرەلوك-KDP.info/ پەیمانگای مەشق و راهینانین پیشەیی شێلادزێ یا سەرب دەزگای خیرخوازی بارزانی رابوویە ب ڤەكرنا خولەكا بیركاریێ بو (26) قوتابین پولا شەشێ لسنورێ ناحیا دێرەلوكێ ودڤەكرنا ئەڤێ خولیدا بهمن احمد ریڤەبەرێ ناحیا دیرەلوك و و نوینەری لیژنا دێرەلوك ئامادەببوون.

دڤێ واریدا شەڤگێر رەمەزان بەرپرسێ پەیمانگای مەشق و راهینانین پیشەیی شێلادزێ ئەوا سەر ب دەزگایێ خیرخوازی یێ بارزانی ڤە بو kdp.infoدیاركر، مە بفەر زانی ئەڤێ خولێ بو قوتابیێن پولا شەشێ ڤەكەین چونكێ گەلەك ژ قوتابیان ئەو شیان نینن بخو ماموستایێ تایبەت بگرن لەوما مە ئەڤ خولە بو 26 قوتابیێن سنورێ ناحیا دیرەلوكێ ڤەكر وئەڤ خولە دێ بو ماوێ هەیڤەكێ یا بەردەوام بیت داكو هەمێ قوتابی وەك ئێك بەشداربن ولدەڤ مە هندی بێن دێ خزمەتا هەمی خەڵكی كەین لێ باراپتر دخزمەتا كەسانێن هەژارو كێم دەرامەت داینە .