محەمەدی حاجی مەحمود سەرەخۆشی لە پارتی دیموکراتی کوردستان دەکات
بەناوی خوای گەورە و میهرەبان
بەرێز مەکتەبی سیاسی پارتی دیموکراتی کوردستان
بەڕێزان خانەوادەی خوا لێیخۆشبوو مامۆستا فەلەکەدین کاکەیی
بەداخ و پەژارەیەکی زۆرەوە هەواڵی کۆچی دوایی پێشمەرگە و بیرمەند و نووسەرو سیاسەتمەداری کورد مامۆستا( فەلەکەدین کاکەیی)مان پێ گەیشت و لە ناخەوە خەمباری کردین.
بەم بۆنەوە پرسە و هاوخەمی خۆمانتان پێڕادەگەیەنین و سەرەخۆشی لە تەواوی کەسوکار و هاوڕێ و هاوسەنگەرانی مامۆستای رووناکبیر و سەرجەم نووسەرو رۆشنبیرانی گەلەکەمان دەکەین.
مامۆستا فەلەکەدین کاکەیی ناوێکی بەرزی مێژووی تێکۆشانی کورد و دونیای نووسین و داهێنان و رەمزێکی درەوشاوەی ئاشتی و پێکەوەژیان و ریزگرتن بوو لە بەها بەرزەکانی مرۆڤ و مرۆڤایەتی، لەدەستدانی ئەم بیرمەندە تێکۆشەرە خەسارەتێکی گەروەیە بۆ کورد و کوردستان.
داواکارین لە خوای گەورە مامۆستای کۆچکردوو بە بەهەشتی بەرینی خۆی شاد بکات و سەبرو سەبوریش بە ئێوەو گەلەکەمان ببەخشێت.
انا للە وانا الیە راجعون
محەمەدی حاجی مەحمود
٣١-٧-٢٠١٣
