ل ئامێدیێ بەریكانەكا كوستیركانێ بو 15 تیمان دهیتە رێكخستن

ئامێدیێ-KDP.info/بهەلكەفتا هاتنا هەیڤا رەمەزانا پیروز فەرهەنگخانا ئامێدیێ یا رەوشەنبیری بهەڤكاری دگەل ئیكەتیا لاوێن دیموكراتا كوردستانێ رابوون ب ئەنجامدانا بەریكانەكا كوستیركانێ بو 15 تێمین سنورێ قەزا ئامێدیێ كو ئەڤ خولە د شەڤین رەمەزانێ دا ل هاڤینگەها سیلاڤێ دهیتە ئەنجامدان .

 دڤێ دەربارێ دا چرا ئیبراهیم بەرپرسێ فەرهەنگخانا ئامێدیێ بو kdp.infoدیاركر،بهەلكەفتا هاتنا هەیڤا رەمەزانا پیروز مە وەكو فەرهەنگخانا ئامێدیێ بهەڤكاری دگەل ئیكەتیا لاوێن دیموكراتا كوردستانێ رابوون ب ئەنجامدانا بەریكانەكا كوستیركانێ بو 15 تێمین سنورێ قەزا ئامێدیێ كو ئەڤ خولە د شەڤین رەمەزانێ دا ل هاڤینگەها سیلاڤێ دهیتە ئەنجامدان وئەڤ خولە دێ بو ماوێ شەش روژان یا بەردەوام بیت ودێ سەركەفتیێن ئێكی هینە خولاتكرن .

دیسان ناڤبری دیاركر كو مەرەم ژڤان جورە یاریا ئەوە كو گەنجێ مە ب یاریێن خوەش بهینە مژیلكرن دیسان ئەو یاریێن كەڤن و فلكلوری ژبوی گەنجێ نها بدەینە دیاركرن وڤەژاندنا یاریێن كەڤنێن كوردەواری بكەین داكو یاری وفلكلورێ مە نەهیتە ژبیركرن .