سكرتاریه‌تا(ی.ق.ك)قوتابیین ئێكه‌مێن ل سه‌ر ئاستێ كوردستان و پارێزگه‌ها دهۆكێ خه‌لاتكرن
زاخو-KDP.info/ فاتیح مه‌وله‌وی زاده سكرتێرێ ئێكه‌تیا قوتابیان و سلێمان موحسن و شه‌ریف فه‌تاح ئه‌ندامێن مه‌كته‌با سكرتاریه‌تا ئێكه‌تیا قوتابیێن كوردستانێ وه‌كو شانده‌كێ سكرتاریه‌تا ئێكه‌تیا قوتابیان ب یاوه‌ریا ستافێ لقا زاخۆ یا ئێكه‌تیا قوتابیێن كوردستانێ، قوتابیێ ئێكه‌مێ پولا 9ێ بنه‌ره‌ت ل سه‌ر ئاستێ كوردستانێ و هه‌ردوو قوتابیێن ئێكه‌م و سییه‌م ل سه‌ر ئاستێ پارێزگه‌ها دهۆكێ و د هه‌مان ده‌م دا بووینه ئێك ژ قوتابیێن ده‌هێن ئێكه‌مێن كوردستانێ خه‌لاتكرن.
سلێمان موحسن ئه‌ندامێ مه‌كته‌با سكرتاریه‌تا ئێكه‌تیا قوتابیێن كوردستانێ و به‌رپرسێ به‌شێ راگه‌هاندنێ خۆیاكر كو ئه‌ڤرۆ شانده‌كێ سكرتاریه‌تا ئێكه‌تیا قوتابیان دگه‌ل ستافێ لقا زاخۆ رێزلێنان و دیاریێن ئێكه‌تیا قوتابیان ئاراسته‌ی 3 قوتابیێن زاخۆ كرن كو هه‌رسێ قوتابی ئه‌ندامێن (ی.ق.ك)ێنه كو قوتابی (محه‌مه‌د سامی نه‌جم) ب تێكراییا نمره‌یا (99،57%) بووییه ئێكه‌مێ 9ێ بنه‌ره‌ت ل سه‌ر ئاستێ په‌روه‌رده‌یێن هه‌رێما كوردستانێ و قوتابی( سیبه‌ر شوكری تاهر) ب تێكراییا نمره‌یا (99.14%) ل پشكا زانستی، شیایه ل رێزا ئێكێ بهێت ل سه‌ر ئاستێ پارێزگه‌ها دهۆكێ و ل سه‌ر ئاستێ هه‌رێمێ رێزا شه‌شێ بهێت و قوتابی( نێرگز ئه‌حمه‌د محه‌مه‌د) شیایه ل رێزا سیێ بهێت ل سه‌ر ئاستێ پارێزگه‌ها دهۆكێ ب ده‌ستڤه‌ئینانا تێكراییا نمره‌یا (98.71%) كو ل سه‌ر ئاستێ هه‌رێمێ ژی رێزا نه‌هێ ب ده‌ستخۆڤه هینا.
