Mesrûr Barzanî û Sekreterê Hevkariya Kendavê behsa bihêzkirina pêwendiyan kirin

Hewlêr-KDP.info- Serokwezîrê Herêma Kurdistanê Mesrûr Barzanî li Davosê bi sekreterê giştî yê Encumena Hevkariyê ya Kendavê (GCC) re civiya.

Hikûmeta Kurdistanê ragehandiye, serokê hikûmetê Mesrûr Barzanî îro li Davosê û li kêleka korbenda aborî bi sekreterê giştî yê GCC, Nayîf El Hecref re civiya.

Di civînê de behsa rewşa siyasî ya Iraqê, pêwendiyên welatên Kendavê bi Iraq û Kurdistanê re hat axaftin û tekezî li ser girîngiya bihêzkirina pêwendiyên welatên Kendavê bi Kurdistanê re di hemû waran de hat kirin.