Parlamantoya Kurdistanê roja sûndxwarina Nêçîrvan Barzanî diyar kir

 

Hewlêr-KDP.info- Di bangeşenameyekê de Seroka Parlamantoya Kurdistanê Vala Ferîd Îbrahîm parlamantaran agadar dike, Parlamanto roja 10ê Hezîrana 2019an de ji bo sûndxwarina Serokê Herêma Kurdistanê yê hatiye hilbijartin, dicive.

Di bangeşenameyê de hatiye, li gor peyrewa navxwe ya Parlamantoya Kurdistanê – Iraq, me biryar da bangeşeya tevahiya parlamanterên birêz bikin, ji bo rûniştina hejmar (7) ya yasayî roja 10ê Hezîrana 2019an lidar bikeve, ji bo Serokê Herêma Kurdistanê yê hatiye hilbijartin sûnd bixwe.

Amaje bi wê jî kir, “Ji ber amadebûna mêvanan li ser astê navxwe û derveyî Herêma Kurdistanê û nebûna cihê pêwîst di hola parlemantoyê de, Desteya Serokatiya Parlamantoyê biryar da, rûniştina vê carê li hola Seid Ebdulah ya Hewlêra paytext be, tika ye hemû parlemantar di dema diyarkirî de amade bibin.”

Parlamantoya Kurdistanê roja 28ê Gulana 2019an bi piraniya dengan Nêçîrvan Barzanî wek Serokê Herêma Kurdistanê hilbijart.