Nêçîrvan Barzanî: Karesata şewata li Çemçeml ji dil ve ez hejandim

Hewlêr-KDP.info- Serokwezîrê Herêma Kurdistanê di derbarê bûyera şewata maleke Çemçemlê de ku di encamê de 3 zarokan canê xwe ji dest dan û dayika wan bi giranî birîndar bû, peyamek belav kir û ragihand: Ya ku ji bo alîkariyê pêwîst be, emê bikin.

Nêçîrvan Barzanî di peyamekê de li ser twîterê, bûyera şewata şeva bihorî ya li qezaya Çamçemal a Silêmaniyê weke karesat bi nav kir û xemgnî û hevxemiya xwe li gel vê malbatê ragihand.

Nêçîrvan Barzanî got: “Karesata agirpêketina şeva bihorî ya malekê li Çemçemlê, ku têde 3 zarokan canê xwe ji dest dan û dayika wan bi giranî birîndar bû, ji dil ve ez hejandim. Ez xwe şirîkê xema malbata wan dizanim, her tişta ku pêwîst be em dê bikin.”

Serokwezîrê Herêma Kurdistanê herwiha daxwazê ji hevwelatiyan dike, ku zêdetir haydar bin û baştir xwe biparêzin.