Amerîka: Divê tenê hêzên Iraqê û Herêma Kurdistanê li Şingalê bin

Hewlêr-KDP.info- Serokê Herêma Kurdistanê Mesûd Barzanî pêşwaziya Nûnerê Serokê Amerîka bo Hevpeymaniya Navdewletî ya şerê li dijî DAIŞê kir û di wê hevdîtinê de, Brett McGurk derbarê hebûna çekdarên PKKê li Şingalê, ragihand ku Amerîka naxwaze ji bilî hêzên fermî yên Herêma Kurdistanê û Iraqê ti hêzeke din li vê deverê hebe.

Roja dûşem 13.03.2017 li Selahedîn Mesûd Barzanî Serokê Herêma Kurdistanê pêşwaziya Brett McGurk Nûnerê Taybetî yê Serokê Amerîka li hevpeymaniya navdewletiya şerê dijî DAIŞê û şandekî li gel kir ku ji Douglas Silliman Balyozê Amerîka li Iraq û Ken Gross Konsolê Amerîka li Hewlêr û General Dawnsênd Fermandeyê Hêzên Amerîka li Iraqê û hejmarek şêwirmendên balyozxane û artêşa Amerîka li Iraqê pêkhatibûn.
Di wê hevdîtinê de Nûnerê Taybetî Serokê Amerîka li hevpeymaniya navdewletiya şerê dijî DAIŞê ji bilî balkişandina li ser roja ji dayikbûna Barzaniyê Nemir û helkeftên niştîmaniyên gelê Kurdistanê li meha adarê wê yekê xisterû ku cihê şanaziye li gel Serok Barzanî û gelê Kurdistanê da kar dikin. Tekez jî li wê yekê kir ku aramiya Kurdistanê ji bo welatê wan gelek girînge û di derbarê rewşa Şingalê jî wê yekê ragihand ku Amerîka naxwaze ji bilî li hêzên fermiyên Herêma Kurdistan û Iraqê hîç hêzekî din li vê deverê be.
Her di vê hevdîtinê de her dû alî xweşhaliya xwe nîşandan ku hemahengiya di navbera Pêşmerge û hevpeymanan û hêzên artêşa Iraqê de serketin û encameke gelek baş jê derketiye.
Di beşekî dinê civînê de peywendiyên di navbera Hikûmeta Herêma Kurdistanê û Bexdayê û rewşa siyasiya navçeyê û şerê terorîstên DAIŞê li Sûriye û Iraqê nirxandin.
Pêwendiyên di navbera Herêma Kurdistan û Amerîka mijareke dinê hevdîtinê bû û şanda mîhvan tekez li ser berdewamiya welatê xwe li pêşkêşkirina hevkariyê ji bo hêzên Pêşmergeyên Kurdistanê kir.