Serokatiya Kurdistanê: Yên bixwazin Kurdistanê dagîr bikin dê çarenivîsa wan wek ya DAIŞê be

 

Hewlêr-KDP.info- Berdevkê Serokatiya Herêma Kurdistanê Dr. Umêd Sebah di daxuyaniyekê ragihand ku, yên bixwazin Kurdistanê dagîr bikin, dê çarenivîsa wan ji ya DAIŞê nebaştir be.

Qeys Xezelî Serokê Grûpa Çekdara Esayb Ehlî Heq li hevpeyvîneke telefizyonî ya li gel kanala El Reşîd hinek nêrînên ne bi cîh di derbarê Kurdistan û Pêşmerge û birêz Mesûd Barzanî Serokê Herêma Kurdistanê û qonaxa piştî DAIŞê xistiye rû û wiha bawere piştî DAIŞê mezintirîn kêşeya Iraqê Kurde.
Ev ne cara yekeme Xezelî axaftinên bi vî awayî û gefan beranber bi gelê Kurdistanê dixwe. Hêvîdarîn ev gotinên ne bi cîh tenê nêrîna wî bi xwe û çekdarên wî bê û em ne li baweriyê de ne ku ew nûnerayetiya Heşda Şe'bî bike. Daxwazê jî ji serkirdayetiya Heşda Şe'bî dikîn helwesta xwe li ser axaftinên Xezelî derbibrin.
Gelê Kurdistanê û Pêşmerge çavê wan li axa tu kesekî da tûne û tu demekî neçûne ser mala kesek. Ewê hatibê ser mala xelkê Kurdistanê û niyaza dagîrkirina axa gelê Kurdistanê hebê li dawiyê da bi têkçûna xwe temam bûye.
Bi piştrastiyê ve Xezelî û kesên wekî wî ku bixwazin Kurdistanê dagîr bikin wan çarenûsekî baştir ji DAIŞê nabê û nikarê li Kurdistanê xelk li ser nasname û mezheb ser bibrê.
Dr. Umêd Sebah
Berdevkê Fermî yê Serokayetiya Herêma Kurdistanê
14.12.2016