Holenda Monomênt Bo Şehîdanî Kurdistan Dirust Dekat û Malikîş Deyewêt Hêriş Bikat.
Selam Ebdulla
Le rêwresmêkda le wilatî Holenda le şarî Danhax cêgeyek diyarî kira bo dananî monomêntêk bo karesat û kîmiyabaranî helebce. hawzeman le 'êraq, 'êraqî fîdral, serok wezîran ke emro fermandeyî giştî hêzekanî supay 'êraqe le xoamadekirdindaye bo hêrşêk bo ser kurdistan û çendîn fîrqey serbazî le nawçe dabirêndrawekan mol dawe û beşêweyekî zor îstîfzaziyane helsukewt lew nawçane dekat.
Eme sereray ew peyame galtecariyey ke em şerey emcare legel kurdda, şerî kurd û hkûmetî 'êraq niye, belku şerî kurd û 'erebe.
Êmey kurd ke beser û mal û hezaran şehîd bergirîman le gelekeman û dijayetî dîktatoriyetman dekird bo rojêk bû, ke gelî kurd û sercem xelkî 'êraq îdî duway ew çendîn saley şer û şor û maluwêraniyey ke beser hemû pêkhatekanî 'êraqda hat, katê bêt ke danîştûanî 'êraq le jêr sîstemêkî dîmukiratîda jiyan beser biben û hkûmetî 'êraqîş ta detwanêt dlnewayî kurd û dawa rewakanî bikat û perleman û hkûmet biriyar bidat ke qerebuwî ziyanlêkewtûanî cenge sepêndrawekanî rjêmekanî 'êraq bikat û bo heta hetayî carêkî dîke şer le nêwan kurd deselatdaranî 'êraqda ç cay şerî kurd û 'ereb rûnedat, keçî be pêçewanewe ewey emro deybînîn ziyatir le xewêkî naxoş deçêt betaybetî ke hemûman dezanîn ewey emro le bexda bote xawen deselat be palpiştî kurd hatote serkar û zemanêk şuwênî hewanewe û daldedan û piştîwaniyan le kurdistanewe buwe.
Seyre le wilatêk ke hezaran kîlometir le 'êraqewe dûre xelkî ew wilate hest bew hemû zulm û naheqiye deken ke derheq be kurd kirawe û bo nîşandanî piştîwaniyan monomêntêk bo helebce drust deken ke debû ew monomênte le bexday paytextî 'êraqî drustkirabaye bo ewey birayanî 'erebman hemîşe ew tawane gewreyeyan leberçaw buwaye û herdem nefretiyan le zulm û dîktatoriyete fîdral bikirdaye û bê tawanî xoyan lew karesate gewreye nîşanbidaye, keçî ewey deybînîn lelayen deselatdaranî emroy 'êraqewe tewaw pêçewaneye û xerîkn carêkî dîke şer helbigîrsênin ke tenha emcare ne bes kurd, belku hemû xelkî 'êraqî têyîda zerermend debêt. emroş zemanî bêdengî beserçuwe, ewey bo dîktatorekanî pêşû delwa, emro mehale qbul bikirê. boye çaktir uwaye serok wezîranî 'êraq û handeranî pena bibene ber 'eql û waz lem serkêşiye bhênin û zimanî diyalog û lêktêgeyştin bigirneber
