Erdogan daxwaza lêborînê li Pûtîn kir

 

Ajans-KDP.info- Serokomarê  Tirkiyê Recep Tayyip Erdogan derbarê xistina

 

balafira şer a Rûsya de daxwaza lêborî li Serokomarê Rûsya Vladimir Putîn

 

kir.

 

 

Koşka Serokatiya Rûsya, Kremlîn ragihand, Serokomarê Tirkiyê Recep Tayyip

 

Erdogan derbarê xistina balafira şer a rûsî de nameyek ji Serokê Rûsya

 

Vladimir Putîn re şandiye.

 

 

Erdogan di vê nameyê de ragihandiye, ku Tirkiye û Rûsya du welatên dost û

 

şirîkên hev ên stratejîk in û rayedarên Tirkiyê naxwazin têkiliyên navbera

 

her du welatan xirab bikin. Erdogan herwiha daye xuyakirin, ku wan bi ti

 

awayî niyeta wê yekê nebûye ku balafira Rûsya bixin xwarê.

 

 

Di beşeke din a vê nameyê de Serokomarê Tirkiyê amaje bi wê yekê jî kiriye,

 

ku li gel hemû metirsiyan wan gelek hewl dan, da ku cenazeyê pîlotê rûsî ji

 

destê çekdarên Dijbereya Sûriyê derxînin û piştî birina bo Tirkiyê vegerînin

 

Rûsyayê.

 

 

Erdogan di berdewamiya nameya xwe ya bo Putîn de wiha dibêje: "Hemû

 

ew tiştên ku ji aliyê me ve hatin kirin, ji bo parastina pêwendiyên Tirkiye-

 

Rûsya bûn. Ez dixwazim careke din hevsoziya xwe û sersaxiyê ji malbata

 

pîlotê rûsî yê wefatkirî re rabigihînim û ez dibêjim, bibore (mixabin). Ez ji

 

hemû dilê xwe ve şirîkê êşên wan im. Em pîlotê rûsî wek nalbatek Tirkiyê

 

dibînin. Ji bo kêmkirina êşan û asta ziraran, em bo her core destpêşxeriyekê

 

amade ne."

 

 

Herwiha di nameyê de Serokomarê Tirkiyê ew yek jî gotiye, ku wan lêkolîn

 

bi wî pîlotê tirkî re dest pê kiriye, ku pêwendî bi kuştina pîlotê rûsî ve heye.