Serokê Herêma Kurdistanê pêşwaziyê li Berpirsê Nû yê Balyozxaneya Amerîkayê li Iraqê kir
Hewlêr-KDP.info: Nîvroya îro Duşem 14.09.2026an, rêzdar Nêçîrvan Barzanî, Serokê Herêma Kurdistanê, di hevdîtinekê de digel birêz Balyoz Steven Fagin, Berpirsê Nû yê Karûbarên Balyozxaneya Amerîkayê li Iraqê, pîrozbahiyê lê kir û hêviya serkeftinê di erkê wî yê nû de jê re xwest, herwiha amadehiya tevahî ya Herêma Kurdistanê ji bo piştgirîkirin û serxistina erkê wî dupat kir.
Di hevdîtinê de peywendiyên Iraq û Herêma Kurdistanê digel Amerîkayê, pêşxistina hevkariya hevbeş di warên cuda de, rewşa navxwe ya Iraqê, peywendiyên Hewlêr û Bexdayê û girîngiya çareserkirina kêşeyan bi rêya diyalogê, hatin gotûbêjkirin.
Birêz Berpirsê Nû yê Balyozxaneya Amerîkayê rûmeta xwe ji bo rola Herêma Kurdistanê li Iraq û navçeyê de anî ziman û tekez li ser girîngiya seqamgîrî û bihêzkirina peywendiyên welatê xwe digel Iraq û Herêma Kurdistanê di hemû waran de kir.
Piştgiriya ji Hikûmeta Federal a Iraqê û girîngiya hebûna çekê bi tenê di destê dewletê de, rewşa navxwe û girîngiya yekrêzî û hevdengiyê li Herêma Kurdistanê û dawîn pêşhatên navçeyê, mijareke din a hevdîtinê bû.
