Peyama Mesrûr Barzanî ji bo salvegera kîmyabarankirina Helebçeyê

Hewlêr-KDP.info: îro 16ê Adarê, Serokwezîrê Herêma Kurdistanê Mesrûr Barzanî îro, peyamek bi boneya salvegera 38emîn a kîmyabarana Helebceyê weşand.

Deqa peyama Mesrûr Barzanî:

Di 38emîn salvegera kîmyabaran û komkujiya bajarê Helebceyê de, em bi rêz û rûmet şehîdên bêguneh ên vê karesata mezin bi bîr tînin ku li dijî xelkê Kurdistanê hatibû kirin û armanca wê qirkirin û jenosîdkirina gelê Kurdistanê bû.

Kîmyabarana Helebceyê di dîroka me de her dem birîneke kûr e û semboleke diyar û zelal a wê stemkarî û zordariyê ye ku li dijî xelkê Kurdistanê hatibû kirin.

Divê ev tawana hov ti carî ji bîr û bîreweriya xelkê Kurdistanê û mirovahiyê neçe. Pêwîst e xelkê Kurdistanê ji bîr neke ku ev destkeftên îro li Herêma Kurdistanê hatine bidestxistin, berhema xwîna şehîdên me yên serbilind in û divê em bi her awayî wan biparêzin.

Di vê bîranîna xemgîn de, em careke din bîra hikûmeta federal tînin ku divê li gorî berpirsyariya xwe ya yasayî û destûrî tevbigere û bi awayekî hêja malbat û kesûkarên serbilind ên şehîdên Helebce, enfalkirî û hemû qurbaniyên din ên destê rejîma berê ya Iraqê qerebû bike.

Serê rêz û newaziş li ber giyana paqij a şehîdên Helebceyê û hemû şehîdên Kurdistanê ditewînim.

 

Mesrûr Barzanî

Serokê Hikûmeta Herêma Kurdistanê