Serok Barzanî: Navenda Laleşê xizmeteke berbiçav pêşkêşî civaka Êzidiyan kiriye
Hewlêr-KDP.info: Serok Mesûd Barzanî, bi boneya 32emîn salvegera damezrandina Binkeya Laleşê peyamek pîrozbahiyê weşand û got: Navenda Laleşê xizmeteke berbiçav pêşkêşî civaka Êzidiyan kiriye.
Naveroka Peyama Serok Barzanî:
Bi navê Xwedayê Mezin û Dilovan
Bi boneya 32emîn salvegera damezrandina Binkeya Laleşê, pîrozbahiyên xwe pêşkêşî Serok û endamên Desteya Bilind û endam û kadroyên Bingehê Laleş û hemû xwişk û birayên Êzidî dikim.
Binkeya Laleşê di salên borî de bi rêya karên berbiçav, konferans, proje û festîvalên dewlemend, çapkirina pirtûkan, alîkarîkirina hezaran rizgarbûyên ji destê DAIŞê kir û gelek karên çandî, ragihandinê û hunerî, xizmeteke berbiçav pêşkêşî civaka Êzidiyan û parastina nerît û çanda gelê Kurdistanê kiriye.
Her bi vê boneyê, destxweşiyê li erk û keda Serok û endamên Desteya Bilind û endam û kadroyên Binkeya Laleşê dikim û hêviya berdewamiyê û pêşketinên zêdetir ji bo Binkeya Laleşê û hêviya aramî û xweşiyê ji bo hemû xwişk û birayên Êzidî dixwazim.
