Wezîrê Veberhênanê yê Siûdiyê daxwaza pêşxistina peywendiyan ligel Kurdistanê kir
Hewlêr-KDP.info- Wezîrê Veberhênanê yê Erebistana Siûdî di çarçoveya Korbenda Aborî ya Davosê de, silavên Şah Selman û Şahzadê Cihnişîn Mihemed Bin Selman gihandin Serokwezîrê Herêma Kurdistanê Mesrûr Barzanî û daxwaza welatê xwe ji bo pêşxistina peywendiyên dualî tekez kir.
Mesrûr Barzanî îro Sêşema 21.01.2025 di çarçoveya Korbenda Aborî ya Davosê de bi Wezîrê Veberhênanê yê Erebistana Siûdî Xalid Felah re civiya.
Wezîrê Veberhênanê yê Erebistana Siûdî silavên Şah Selman û Şahzadê Cihnişîn Mihemed Bin Selman gihandin Mesrûr Barzanî û daxwaza welatê xwe ji bo pêşxistina peywendiyên dualî tekez kir.
Serokwezîr Mesrûr Barzanî di hevdîtinê de amaje bi peywendiyên demdirêj ên di navbera Herêma Kurdistanê û Siûdiyê de kir û amadehiya Herêma Kurdistanê ji bo bihêzkirina têkeliyên ligel Siûdiyê nîşan da.
