لقێ ئێك ب هه‌لكه‌فتا كاره‌ساتا حه‌له‌پچه په‌یامه‌ك ئاراسته‌كر
دهۆک- KDP.info/ ب هه‌لكه‌فتا بورینا 25 سالان ل سه‌ر كاره‌ساتا حه‌له‌پچه به‌یامه‌ك ئاراسته‌كر ئه‌ڤه‌ژی ده‌قێ وێ یه: گه‌لێ مه ددیروكا ژیانا خودا توشى چه‌ندین شێوازێن قركرن و جینو سایدێ بوینه ژلایێ دوژمنێن هوڤ و فاشیست ڤه .
وه‌ك كاره‌ساتا كیمیا بارانكرنا حه‌له‌پچه یا ل مێژویا 16ێ ئادارا 1988ێ ژلایێ رژێما به‌عسا درنده ڤه هاتیه ئه‌نجام دان، و ژ ئه‌گه‌رێ ڤێ كیمیا بارانكرنێ ده‌ه هزار هاولاتى شه‌هید و بریندار بون ، دده‌مه‌كێ دا كو بكارئینانا چه‌كێ كیمیاوى ژلایێ هه‌مى وه‌لاتێن جیهانێ ڤه هاتیه قه‌ده‌غه‌كرن، ژ هه‌ژى ئاماژه پێدانێ یه كو لسه‌ر ئاستێ جیهانێ جینوسایدا حه‌له‌بچه دان پێدان هاته كرن .
بكارئینانا ڤى چه‌كى دژى خه‌لكێ بێ گونه‌هێ حه‌له‌پچه هوڤه‌تیا دوژمنێن گه‌لێ كورد خویا دكه‌ت، گه‌لێ كوردستانێ هه‌ر ژ ده‌سپێكا بزاڤا رزگارى خوازیێ دا هه‌مى شێوازێن خه‌باتێ كرینه و ئاماده‌بویه قوربانیێ بده‌ت ژ پێخه‌مه‌ت مافێن خویێن ره‌وا، هه‌ر ئه‌ف قوربانى دانه بویه كو ملله‌تێ كورد ژ هه‌مى نه‌خوشى و كاره‌ساتا ده‌رباسكریه و گه‌هاندیه ئازادیا ئه‌ڤرو.
خوش به‌ختانه ئه‌ف ساله بیره‌وه‌ریا حه‌له‌پچه ساخ دكه‌ین دده‌مه‌كێ دا كو دادگه‌هكرنا تاوانبار و ئه‌نجامده‌رێن ڤێ كاره‌ساتێ دهێنه سزادان،حه‌له‌پچه ئه‌ڤرو بویه نمونا به‌رخودان و قوربانى دانا گه‌لى َكوردستانێ ل جیهانێ ، ژ ئه‌نجامێ خوینا وان شه‌هیدان وه‌لاتێ مه گه‌ش بویه و كاروانێ ئاڤه‌دانكرنێ و پێشڤه‌چونێ یێ به‌رده‌وامه و به‌ره‌ف ئاسویا سه‌ركه‌فتنێ دچیت.
لڤێ بیره‌وه‌ریێ سلاڤ بو گیانێ پاكێ شه‌هیدێن كیمیا بارانكرنا حه‌له‌پچه و ته‌ڤایا شه‌هیدێن بزاڤا ئازادى خوازا كوردستانێ وسه‌ر كاروانێ وان بارزانیێ نه‌مر و ئیدریسێ هه‌رده‌م ساخ.
__2021_04_03_h23m18s5__JH.jpg)
