پرسەنامەی فراکسیۆنی پارتی لە پەرلەمانی کوردستان بۆ كۆچی دوایی رەمزی شەعبان

هەولێر-KDP.info- فراکسیۆنی پارتی دیموكراتی كوردستان لە پەرلەمانی کوردستان، بۆ كۆچی دوایی ره‌مزی شه‌عبان، پرسه‌نامه‌یه‌كی بڵاوكرده‌وه‌.

دەقی پرسەنامەكە:

بەداخێکی زۆرەوە هەواڵی مەرگی بەڕێز رەمزی شەعبان، ئەندامی سەرکردایەتی و بەرپرسی مەکتەبی دارایی پارتیمان بیست، کە بە پەتای کۆرۆنا گیانی لەدەست دا.

کۆچی دوایی هەڤاڵ رەمزی شەعبان، کە نموونەی کادیر و سەرکردەیەکی دڵسۆز و سادە بوو، کۆستێکی گەورەیە.

وەک فراکسیۆنی پارتی، سەرەخۆشی لە خۆمان و سەرکردایەتی و ئەندام و لایەنگرانی پارتیمان دەکەین و لە خوای گەورە داواکارین گیانی کۆچکردوو، بەر رەحمەتی خۆی بخات.

انا لله و انا الیە راجعون

 

فراکسیۆنی پارتی

لە پەرلەمانی کوردستان

3ـی 4ـی2021