مەکتەبی سیاسیی پارتی سەرەخۆشی لە خانەوادەی (عەدنان کەرکوکی) دەکات
به‌ڕێزان خانەوادەی هەڤاڵی خوالێخۆشبوو(عەدنان کەرکوکی)
بەداخ و پەژارەیەکی زۆره‌وه هه‌واڵی کۆچی دوایی پێشمەرگەی دێرین و ماندونەناس، کەسایەتی نیشتمانپەروەر و کادیری تێکۆشەر و دڵسۆزی پارتی و ڕێبازی بارزانی، ئەندامی مەکتەبی ڕێکخستنی پارێزگای کەرکوک_گەرمیانی پارتیمان خوالێخۆشبوو هەڤاڵ (عەدنان عوبێد کەریم) ناسراو بە (عەدنان کەرکوکی)مان پێگەیشت.
بەم بۆنە خەمناکەوە پرسە و سه‌ره‌خۆشیی خۆمان ئاڕاسته‌ی خانه‌واده کوردپەروەر و تێکۆشەرەکەتان و گشت خزم و دۆست و ئاشنایانی خوالێخۆشبوو و، سەرجەم هەڤاڵ و کادیرانی سنووری مەکتەبی ڕێکخستنی پارێزگای کەرکوک-گەرمیان ده‌كه‌ین و، خۆمان بە هاوبه‌شی خه‌متان دەزانین.
له خودای گه‌وره داواكارین سەبووری و دڵنه‌وایی بە بنەماڵەکەتان و بە هەموولایەک پێببەخشێت و گیانی هەڤاڵی کۆچکردوویشمان به‌ر ره‌حمه‌تی خۆی بخات و به به‌هه‌شتی به‌رینی شاد بكات.
انا للە و انا الیە راجعون
مەكتەبی سیاسیی
پارتی دیموكراتی كوردستان
