لقا ئێك 12 كه‌س و كارێن شه‌هیدێن 14 ئادارێ خه‌لات دكه‌ت

هه‌لكه‌فتا روژا ژدایك بونا رێبه‌ری نه‌ته‌وا كورد بارزانیێ نه‌مر و روژا ئازادكرنا باژێری دهوكێ لقا ئێك یا پارتی 12 كه‌س و كارێن شه‌هیدێن 14 ئادارێ خه‌لات دكه‌ت.

د هه‌ڤدیتنێ دا عبدولخالق بابیری بناڤێ لقا ئێك بخیرهاتنا كه‌س و كارێن شه‌هیدان كر وگوت: پێخه‌مه‌ت رزگار كرنا كوردستانێ لاوێن مه‌ دڤێ روژێ دا گیانێ خو كریه‌ قوربانی له‌ورا كوردستان ژبن ده‌ستێ دوژمنان ئازادبویه‌ و گوهرینێن مه‌زن ژی بخوڤه‌ گرتینه‌.
و ئاماژه‌ ب دوو بیرهاتنان دا كو د ئه‌ڤرودا هه‌نه‌ و زور دگرنگن بو ملله‌تێ كورد 
یه‌ك بونا رێبه‌رێ ملله‌تێ كورد كو رێبازا ویا پیروز كو ده‌ر ئه‌نجامێ سیاسه‌تا وی كوردان گوهرینێن مه‌زن بخوڤه‌ دیتینه‌ و كه‌سایه‌تیا وی ملله‌ت به‌ره‌ڤ قوناغێن سه‌رڤه‌رازیێ بریه‌ و هه‌ر ل ده‌سپێكا ژیێ خودا كار لسه‌ر تێكوشینا نه‌ته‌وه‌ی كریه‌ له‌ورا یا ژ هه‌مویا گرنگ تر دڤێت ئه‌م ته‌مامكرنا ڤێ رێبازێ و پشته‌ڤانێن سه‌روكێ هه‌رێمێ بین دا كوردستان بگه‌هیته‌ ئارمانجا خو ئه‌وژی شادبونه‌ ب مافێن خو.

 دوو سه‌رهلدان هه‌ر ژ فه‌همێ رێبازا بارزانی یه‌ و ل ده‌ڤ خه‌لكی هوشیاری و هه‌ستا نه‌ته‌وه‌ی په‌یدا بویه‌ و كوردێن دلسوز و ب شه‌ره‌ف د روژه‌ كا وه‌ك ئه‌ڤرو دا ده‌ست دا یه‌ چه‌كی و ب دله‌كێ میرا نه‌ هێرش برینه‌ لسه‌ر باره‌گایێن رژێمی بو رزگار كرنا ده‌ڤه‌رێن خو و گیانێ خو كریه‌ قوربان و شونا ٍهه‌مو جیهانێ دا كو ئه‌م ملله‌ته‌كین زورداریا لمه‌ هاتیه‌ كرن و ئه‌م قه‌بول ناكه‌ین ل دوماهیا په‌یڤا خودا گوت: سه‌رێ خو بو شه‌هیدا د چه‌مینین و هه‌ر پێداویستیه‌كا كه‌س و كارێن وان هه‌بیتن به‌ر هه‌ڤیا خو بو دیار كر