ل بونا بارزانیێ نه‌مر وسه‌رهلدانا دهوكێ هه‌وه‌كا دار چاندنێ هاته‌ ئه‌نجامدان

ب هه‌لكه‌فتا بونا بارزانیێ نه‌مر وسه‌رهلدانا باژێرێ دهوكێ ئه‌ڤرو سپێدێ 14-3-2013 ب ئاماده‌بونا به‌رێزان گورگیس شلیمون پارێزگه‌رێ دهوكێ ب وه‌كاله‌ت ومازن محمد سعید ده‌ڤه‌ردارێ سێمێلێ وچه‌ند رێڤه‌به‌رێن فه‌رمانگه‌هێن میری هه‌وه‌كا دار چاندنێ ل سه‌رێ چیایێ زاوا هاته‌ ئه‌نجامدان وژماره‌كا دارا هاتنه‌ چاندن . رێڤه‌به‌رێ دارستانێ ل دهوكێ دیاركر كو پشتی ئه‌ڤ داره‌ دهێنه‌ چاندنێ به‌رده‌وام دێ سه‌خبێریا وان هێته‌ كرن وژوه‌لاتیان خواست كو ده‌ما قه‌ستا چیایێ زاوا وجهێن دان دكه‌ن ئه‌و ژی ژلایێ خو پاراستنا دارستانێ وسروشتی بكه‌ن دا جوانیا ده‌ڤه‌رێ هه‌ر بمینت یا پاراستی.

پاش ل فاكولتیا چاندنێ و فیته‌رنه‌ریێ هه‌وه‌كا دی یا دار چاندنێ هاته‌ ئه‌نجامدان دڤان هه‌ردوو هه‌وان دا پتری 700نه‌مامكان هاتنه‌ چاندن، پاش ل ده‌ڤه‌را ته‌ناهی به‌رێ بنیاتی بو ئاڤاكرنا سه‌نته‌رێ وه‌رزش ولاوان بكوژمێ ملیاره‌ك و499ملیون دیناران هاته‌ دانان.
ل دوڤدا ل ده‌ڤه‌را ئێتیتێ به‌رێ بنیاتی بو سه‌نته‌رێ وه‌رزش ولاوان ب كوژمێ ملیاره‌ك و499ملیون دیناران هاته‌ دانان . عبدالله ئیسلام جێگرێ رێڤه‌به‌رێ گشتی یێ ره‌وشه‌نبیری وهونه‌ری وه‌رزشی دیاركر كو ئه‌ڤ هه‌ردوو سه‌نته‌ره‌ دێ خزمه‌ته‌كا باش بو گه‌نج ولاوێن ده‌ڤه‌رێن ته‌ناهی وئێتیتێ ویێن پارێزگه‌ها دهوكێ كه‌ن وپیروزباهیا هه‌مو گه‌نج ولاوان كر...
دهێته‌ چاڤه‌رێكرن ل ده‌مه‌كێ نێزیك هه‌ردوو سه‌نته‌ر بكه‌ڤنه‌ دخزمه‌تا وه‌رزش ولاوان دا