بروسکا لقا 18 بهه‌لکه‌فتا یادا ژ دایك بوونا بارزانیێ نه‌مر و سه‌رهلدانا باژێرێ دهوك

ئامیدیێ-KDP.info/ ب هه‌لكه‌فتا بیره‌وه‌ریا سالڤه‌گه‌را (110) ێ یا ژ دایك بوونا بابێ روحی و نه‌ته‌وه‌یێ گه‌لێ كوردستانێ بارزانیێ نه‌مر، گه‌رمترین پیروزاباهیان ئاراسته‌یی هه‌می ئه‌ندام و لایه‌نگرێت پارتی و سه‌رجه‌م خه‌لكێ كوردستانێ دكه‌ین، كو د كاودانێت نافخویی و ده‌ره‌كیێت پر ئالوزدا و ل رێكه‌فتی (14/3/1903) ێ بارزانیێ نه‌مر هاته‌ سه‌ر دونیایێ و دناف بنه‌ماله‌كا نیشتیمان په‌ره‌وه‌ر و خه‌باتگێر دا په‌روه‌ده‌ بوو وه‌كو سه‌ركرده‌كێ بزاڤا ئازادی خوازیا مله‌ته‌كێ بن ده‌ست پێ گه‌هشت و د ده‌مه‌كیدا كو گه‌لێ كوردستانێ توشی هه‌وێن داگیر كرن و چه‌وساندنا نه‌ته‌وه‌یی و نشتیمانی دهات لسه‌ر ده‌ستێ داگیركه‌رێن كوردستانێ . هه‌لبه‌ت په‌یدابوونا بارزانیێ نه‌مر دوان كاودانێت نازك دا پێویستیه‌كا مێژوویی بویه‌ ژبو سه‌ر كێشی كرنا بزاڤا ئازادیخوازیا گه‌لێ كوردستانێ ب د ژی زولم و زورداریێ و خر ڤه‌كرنا هه‌می هێز و شیانێن گه‌لێ كوردستانێ ب هه‌می پێكهاتێن خوڤه‌ ل چار چو ڤه‌كێ رێكخراوه‌یی یێ هه‌ڤچه‌رخ دا پێخه‌مه‌ت بده‌ست ڤه‌ ئینانا مافێن كه‌لتوری و سیاسی و جڤاكی و ئابوری د ئه‌نجامدا بارزانی شیا وه‌رچه‌رخانه‌كێ دناف جڤاك و ده‌رونێ تاكێ كوردستانێ دا په‌یدا بكه‌ت بره‌نگه‌كێ كو كه‌ساتیا مروڤێ كوردستانێ لسه‌ر بنیاته‌كێ وه‌سا هاته‌ ئاڤا كرن كو ئێدی بنده‌ستیێ و كوله‌داریێ قه‌بیل نه‌كه‌ت و هه‌رده‌م یێ به‌رهه‌ڤ بیت بو قوربانی دانێ .

 ژ هه‌ژیه‌ بێژین كو ژدایك بوونا بارزانیێ نه‌مر یا هه‌ڤده‌مه‌ دگه‌ل سه‌رهلدانا باژێرێ دهوكا به‌هدینا كو ل روژا (14/3/1991) وه‌ك وه‌فاداریه‌ك بو رێبازا پیروزا بارزانیێ نه‌مر، خه‌لكێ دهوكێ و ده‌و رو به‌را پێكڤه‌ و ب ئێك ده‌ست دسه‌رهه‌لدانه‌كا جه‌ماوه‌ریدا وه‌كی هه‌می باژێر و باژێركێن دیێن كوردستانێ هه‌می كه‌لهێن رژێما به‌عسا ژناڤ چویی هه‌رفاندن و باژێر ب ئێك جاری ژ له‌شكه‌رێ رژێما داگیر كه‌ر و سیخور و كرێ گرتیێن (صه‌دام)ێ گوبه‌گور هاته‌ باقش كرن و ده‌ست هه‌لاتا كوردی جێگربوو . له‌وما داخازێ دكه‌ین ئه‌ف هه‌ردوو هه‌لكه‌فته‌ ببنه‌ هانده‌ر ژبو موكومكرنا رێزێن خه‌لكێ كوردستانێ د ئێك جه‌په‌ردا ژبو پاراستنا وان ده‌سكه‌فتێن بره‌نج و خه‌باتا بارزانیێ نه‌مر و ته‌ڤایا خه‌لكێ كوردستانێ هاتینه‌ بده‌ست ڤه‌ ئینان، دووباره‌ ئه‌ف هه‌لكفتێن پیروز لسه‌ر جه‌م خه‌لكێ كوردستانێ پیروزبن