شانده‌كێ بلندێ پارتی پشكداری د تازیا خودێ ژێ رازی (مستەفا ئامێدی) دا كر
دهۆك-KDP.info- شانده‌كێ پارتی دیموكراتی كوردستان به‌شداری د تازی یا خودێ ژێ رازی (مستەفا حسێن باپیر) ئامێدی دا كر.
ئەڤرۆ رۆژا چوارشەمبی رێكەفتی (5-4-2023) شانده‌كێ بلندێ پارتی دیموكراتی كوردستان كو پێكهاتبوون ژ بەرێز فازڵ میرانی بەرپرسێ دەستەیا کارگێرییا مەکتەبا سیاسی و بەڕێز مه‌حمود محه‌مه‌د ئەندامێ دەستەیا کارگێری و بەرێز زه‌عیم عه‌لى ئەندامێ مەکتەبا سیاسی و بەرێز سه‌گڤان ھالۆ ئەندامێ کۆمیتا ناڤەندی، پشكداری د تازیا پێشمەرگە و تێکۆشەرێ دێرین و ئێکەم بێتەلێ شۆڕشا ئەیلۆولێ و بەرپرسێ بێتەلا گشتی یێ شۆڕشا گولانێ و ھەلگرێ میدالیا بارزانیێ نەمر (مستەفا حسێن باپیر) ئامێدی یێ ناسیار ب مدیر دا کر و پڕسە و سەرەخۆشیا خوە گەھاندن ماڵبات و کەس و کار و ھەڤال ھەڤچەپەرێت خودێ ژێ رازی كو براستی وەغەركرنا ناڤهاتی خوسارەتیەكا ئێكجار مەزنە، چونكە خەزینا پێزانینێن دیرۆكا گەلێ كوردستانێ بوو.
