بیرەوەریا سەرهەلدانا دەڤەرا ئامێدیێ هاتە ساخكرن

ئامیدیێ-KDP.info/ ئەڤرو ل هولا سه‌نته‌رێ ره‌وشه‌نبیریێ ئامێدیی ب به‌رهه‌ڤبوونا (فریق فاروق) به‌رپرسێ لقا 18 ی پارتی دیموکراتی کوردستان و نوینه‌رێ قایمقامێ قه‌زا ئامێدیێ و هژماره‌کا به‌رپرسێن داموده‌زگه‌هێن میری وحزبی و له‌شکه‌ری و جه‌ما‌وه‌رکێ زور ژ خه‌لکێ ده‌ڤه‌رێ سالڤه‌گه‌را سه‌رهلدانا باژێر وده‌ڤه‌را ئامێدیێ هاته‌ ساخکرن .

رێوره‌سمان ب خوله‌که‌ک راوه‌ستان رێزگر‌تن بو گیانێ شه‌هیدێن بزاڤا ئازادیخوازا کوردستانێ و سه‌ر کاروانێ وان بارزانیێ نه‌مر وکاک ئیدریسێ هه‌رده‌م ساخ ده‌ستپێکر، ل دویڤدا په‌یڤه‌ک ژ لایێ (فریق فاروق) به‌رپرسێ لقێ ڤه‌ هاته‌ پێشکێشکرن و تێدا ئاماژه‌ ب رولێ خه‌لکێ ده‌ڤه‌رێ دا د بزاڤا ئازدیخوازی وشوڕه‌شێن کوردی و سه‌رهلدانا پیروزدا وئاماژه‌ ب چه‌ندین داستانێن ده‌ڤه‌رێ دا وه‌ک (سه‌رسنک، گاره‌، کوره‌ژار .. هتد) و ناڤێن هژماره‌کا شه‌هید و بریندارێن ده‌ڤه‌رێ گوتن وه‌ک نمونه‌ و دوپاتی لسه‌ر گرنگیا ئێک رێزی وپاراستنا وان ده‌ستکه‌فتان کر یێن بخوینا شه‌هیدان په‌یدابووین .

لدویڤدا برگێن ئاهه‌نگێ ده‌ستپێکر بخواندنا چه‌ند هوزانان ژ لایێ هوزانڤانان (صالح ئه‌رتیسی و بشار علی ) و چه‌ندین سترانان بده‌نگێ هونه‌رمه‌ندان (حکیم قومری و ئاشتی زێوه‌یی) هاتنە گوتن.

 

دلداررەشاڤەی