مەکتەبی سیاسیی پارتی دیموکراتی کوردستان پیرۆزبایی له حزبی شیوعی کوردستان ده‌كات
برووسکەی پیرۆزبایی مەکتەبی سیاسیی پارتی دیموکراتی کوردستان بۆ حزبی شیوعی کوردستان
بەڕێز کاوە مەحموود سکرتێری کۆمیتەی ناوەندیی حزبى شیوعى کوردستان.
بەڕێزان ئەندامانی مەکتەبی سیاسی و کۆمیتەی ناوەندی.
بەبۆنەی ساڵوەگەڕی دامەزراندنی حزبی شیوعی کوردستان، گەرمترین پیرۆزبایی لە ئێوەی بەڕێز و ئەندامان و لایەنگرانتان دەکەین و، هیوادارین لە خەبات و خزمەت بەردەوام بن بۆ بەدیهاتنی مافەکانمان و پاراستنی دەستکەوتەکانمان و ئەو ئەزموونەی هەرێمی کوردستان.
حزبى شیوعى کوردستان، بەدرێژایی تەمەنی خەباتی چەندین ساڵەی ڕۆڵێکی کاریگەر و بەرچاوی هەبووە لە بەرگریکردن لە داخوازی و مافەکانی گەلەکەمان و پتەوکردنی بنەماکانی ئازدی و دیموکراسی.
بەو بۆنەیەوە وێرای بەرز نرخاندنی خەباتی حزبە تێکۆشەرەکەتان لە بزووتنەوەی ڕزگاریخوازیی گەلەکەمان، دووبارە جەخت دەکەینەوە سەر هەماهەنگی و هاوکاریی بەردەوامی نێوانمان و سەرجەم پارت و هێز و لایەنە سیاسییەکان بۆ گەیشتن بە ئامانجە هاوبەشەکانمان.
دووبارە پیرۆزباییتان لێدەکەین..هەر لە پێشکەوتن دابن.
مەکتەبی سیاسیی
پارتی دیموکراتی کوردستان
٣١ـی٣ـی٢٠٢٣
