لقێ18 بیره‌وه‌ریا سالڤه‌گه‌را رێکه‌فتناما 11ێ ئادارێ ل هه‌می خه‌لکێ کوردستانێ پیروزدكەتن

ئامیدیێ –KDP.info/ لقا 18 یا پارتی دیموکراتی کوردستان ب هه‌لکه‌فتا بیره‌وه‌ریا رێکه‌فتنناما  11  ێ ئادارێ یا میژوویی بروسکه‌ک به‌لاڤکریه‌ و تێدا ئه‌ڤ بیره‌وه‌ریه‌ ل هه‌می خه‌لکێ کوردستانێ پیروزکریه‌ و ئه‌ڤا ل خوارێ ته‌کستا وێ یه‌ :-

ب هه‌لکه‌فتا بیره‌وه‌ریا سالڤه‌گه‌را رێکه‌فتناما  11  ێ ئادارا سالا  1970  کو به‌ری  43  سالان دناڤبه‌را سه‌رکردایه‌تیا شوره‌شا ئه‌یلولا مه‌زن ب سه‌روکاتیا  بارزانیێ نه‌مر  و ده‌ستهه‌لاتدارێن رژێما عیراقێ یا وی سه‌رده‌می هاتیه‌ مورکرن، ئه‌م بناڤێ لقا 18 یا پارتی دیموکراتی کوردستان ل ده‌ڤه‌را ئامێدیێ پر ژ دل پیروزباهیێن گه‌رم ئاراسته‌ی خه‌لکێ کوردستانێ بگشتی و خه‌لکێ ده‌ڤه‌را ئامێدیێ بتایبه‌تی و که‌س وکارێن شه‌هیدێن سه‌ربلند وپێشمه‌رگێن جانفیدا دکه‌ین و سه‌رێ رێز و رومه‌تێ د چه‌مینین بو شه‌هیدێن شوره‌شا ئه‌یلولێ و ته‌ڤ شه‌هیدێن رێکا بزاڤا ئازادیخوازیا گه‌لێ کوردستانێ .

ژ ئه‌نجامێ سیاسه‌تا حه‌کیمانه‌یا سه‌رکردایه‌تیا شوره‌شا ئه‌یلولێ و ره‌نج و خه‌بات و تێکوشینا شوره‌شگێرێن کوردستانێ و رژدیا وان لسه‌ر بده‌ستڤه‌ئینانا مافێن گه‌لێ کوردستانێ، رژێما عیراقێ نه‌چاربوو دانپێدانێ ب مافێن ره‌وایێن گه‌لێ مه‌ بکه‌ت و د روژه‌کا وه‌کی ئه‌ڤرودا ڤێ رێکه‌فتنامێ ئیمزا بکه‌ت و ئه‌ڤه‌ دهێته‌ هژمارتن ئێک ژ گرنگترین به‌لگه‌نامێن دیروکی د مێژوا بزاڤا ئازادیخوازیا کوردستانێ دا کو د ناڤه‌روکا ڤێ رێکه‌فتنامێ دا چه‌ندین مافێن خه‌لکێ کوردستانێ هاتنه‌ مسوگه‌رکرن کو هه‌تا ئه‌ڤرو ژی ڤه‌رێژا وان ره‌نگ ڤه‌دده‌ت . دووباره‌ ئه‌ڤ هه‌لکه‌فته‌ ل هه‌می خه‌لکێ کوردستانێ پیروزبیت و سلاڤ بو گیانێ پاقژێ شه‌هیدێن شوره‌شا ئه‌یلولا مه‌زن و سه‌رکاروانێ وان  بارزانیێ نه‌مر  و  ئیدریسێ هه‌رده‌م ساخ  هه‌ر ساخ وزیندی بمینیت ئه‌ڤ ه‌ستکه‌فتێ دیروکی .