لقێ ئێك جه‌ژنا ئافره‌تێن جیهانێ ل گشت ئافره‌تاتێن كوردستانێ پیروز دكه‌ت

د دیروكا ملله‌تێن جیهانێ دا چه‌ندین بویه‌ر و رویدان په‌یدابوینه‌ و بوینه‌ نمونه‌ و هێما و هه‌لكه‌فتێن گرنگ، ژوان بویه‌رێن هه‌ره‌ گرنگ روژا 8ی ئادارا سالا(1908)ێ بوویه‌ روژا جیهانی یا ئافره‌تان، ژ ئه‌نجامێ وێ سه‌ره‌ده‌ریكرنا هوڤانه‌ یا ل ویلایه‌تێن ئێكگرتی یێن ئه‌مریكا دژی ئافره‌تێن كرێكار د كارگه‌هێ دا هاتیه‌ كرن، و د ئه‌نجامدا هژماره‌كا ئافره‌تان بونه‌ قوربانی و گیانێ خو ژ ده‌ست دان، وه‌كو هه‌لویسته‌كێ ره‌تكرن و نه‌قه‌بولكرنا كویله‌تی و بن ده‌ستیێ.
ئافره‌تا كوردستانێ ژی ب رێزڤه‌ پێشوازیا ڤێ هه‌لكه‌فتێ ب شێوازێن جودا ساخ دكه‌نه‌ڤه‌، و پتر ژ ئافره‌تێن زور جڤاكێن دی یێن جیهانێ هه‌ست ب ژانێن زولم و زورداریێ دكه‌ت، چونكه‌ ئافره‌تا كوردستانێ قوربانا سه‌ره‌كی بوویه‌ هه‌مبه‌ر وێ زولم و زورداریا رژێمێن دكتاتور و فاشستێن حكوم ل كوردستانێ كرین، سه‌ره‌رای وێ زولما ژ ئه‌نجامێ هنده‌ك ره‌وشت و تیتالێن پاشڤه‌مایی یێن جڤاكی كو ژ ڤه‌رێژا وێ سیاسه‌ت و حوكمێ پاشڤه‌مایی یێ دوژمنان بو ل سه‌ر كوردستانێ خو سه‌پاندی.
جهێ خوش حالیێ یه‌ ئافره‌تا كوردستانێ به‌ری ده‌هان سالان بزاڤه‌كا خورت یا ئافره‌تان دچارچوڤێ رێكخستنه‌كا جه‌ماوه‌ری دا هاتیه‌ دامه‌زراندن ئه‌وژی ئێكه‌تیا ئافره‌تێن كوردستانێ یه‌ خوو ل كێشه‌ و داخوازێن ئافره‌تێ كریه‌ خودان و شیایه‌ گوهرینێن وه‌رچه‌رخانه‌ دبزاڤا ئافره‌تا كوردستانێ دا په‌یدا بكه‌ت، ئه‌ڤرو ئافره‌تا كوردستانێ خودان سه‌نگه‌كا مه‌زنه‌ د ئاراسته‌كرنا كاروانێ پێش ئێخستنا جڤاكێ مه‌دا و روله‌كێ كاریگه‌ر د هه‌می بوارێن ژیانێدا دگێریت.
بناڤێ لقێ ئێكێ پارتی دیموكراتی كوردستان 8 ی ئادارێ ل ته‌ڤایا ئافره‌تێن جیهانێ و كوردستانێ پیروز دكه‌ین، هیڤیا پێشكه‌فتنێ و به‌خته‌وه‌ریێ بو دخازین.