به‌یاننامه‌ك ژ لقێ ئێك ب هه‌لكه‌فتا سه‌رهلدانا ئادارا سالا(1991)ێ

دقوناغێن بزاڤا رزگاریخوازا گه‌لێ كوردستانێ دا گه‌له‌ك شێوازێن خه‌بات و قوربانی دانێ هاتینه‌ دان، وه‌ك سه‌رهلدانا (5/3/1991)ێ یا خه‌لكێ سه‌ر به‌رزێ باژێركێ رانیێ ده‌ست پێكری و شه‌پولێن ڤێ سه‌رهلدانێ ب سه‌ر هه‌می ده‌ڤه‌ر و باژێرێن كوردستانێ دا گرت، و ئه‌ڤ راپه‌رینه‌ بو فاكته‌ره‌كێ هه‌ره‌ گرنگ ژبو ب هێز بون و ئێكگرتنا گشت جه‌ماوه‌ر و پارت و لایه‌نێن سیاسی یێن كوردستانێ، و بو وه‌رچه‌رخانه‌نه‌ك دژیان و تێكوشینا ئیرادا گه‌لێ مه‌ دا. سه‌رهلدانا بهارا سالا (1991)ێ نه‌قه‌بولكرنا زولم و سته‌م و زورداریێ بوو كو ل ئه‌نجام دا كوردستان قورتال كرن و قوناغا ئازادیێ ده‌ست پێكر و ئه‌ڤ سه‌رهلدانه‌ بو بنیاته‌كێ موكم بو ئومێد و سه‌رفه‌رازییا هه‌رچوار پارچێن كوردستانێ.
هه‌ژی ئاماژه‌ پێدانێ یه‌ كو ئه‌ڤ سه‌رهلدانه‌ ژبه‌رهه‌مێ خه‌باتا سالان یا به‌ره‌یی كوردستانێ و پێشمه‌رگه‌ و شه‌هیدێن قه‌هره‌مان و ته‌ڤایا خه‌لكێ كوردستانێ و رێبه‌رێ گه‌لێ كورد بارزانیێ نه‌مر بویه‌، و ل ئه‌نجامێ سه‌ركه‌فتنا سه‌رهلدانا سالا (1991)ێ سه‌روك بارزانی ل سه‌ر بنه‌مایێ دیموكراسی و وه‌ك هه‌ڤی داخازا هه‌لبژارتنا كر و ل ئه‌نجام دا گه‌لێ مه‌ بونه‌ خودان حكومه‌ت و په‌رله‌مان ل ژێر سیبه‌را ئالایێ كوردستانێ . هه‌ر دپێشڤه‌چونێ دابن ده‌ست كه‌فتێن سه‌رهلدانا ئادارا (1991)ێ .
لڤێ هه‌لكه‌فتێ بناڤێ لقێ ئێكێ پارتی دیموكراتی كوردستان سلاڤ بو خه‌لكێ شه‌ره‌ف مه‌ندێ سه‌رهلدانا ئادارا سالا (1991)ێ و گشت پێشمه‌رگه‌ و شه‌هیدێن ریێا ئازادی یا كوردستانێ و سه‌ر كاروانێ وان بارزانیێ نه‌مر ئدریسێ هه‌رده‌م ساخ.