چەند پرسەنامەیەك لە مەكتەبی سیاسیی پارتی دیموكراتی كوردستانەوە
بە ناوی خوای بەخشندە و میهرەبان
بەڕێز خانەوادەی خاتوو (د. بێریڤان موسڵیح خەیلانی)
بە داخ و پەژارەیەكی زۆرەوە هەواڵی كۆچی دوایی ئەندامی پێشوتری ئەنجوومەنی نیشتیمانی عێراق لەسەر لیستی پارتیمان، خاتوو(د.بێریڤان موسڵیح خەیلانی)مان بیست، بەو بۆنە خەمناكەوە پرسە و سەرخۆشی خۆمان ئاراستەی ئێوەی بەڕێز و كەسوكار و بنەماڵەكەتان دەكەین و، خۆمان بە شەریكی خەمتان دەزانین.
خوالێخۆشبوو خاتوو (د.بێریڤان موسڵیح خەیلانی) كەسایەتیەكی نیشتمانپەروەر و لێهاتوو بوو، لەو ئەرك و كارانەی پێی سپێردرابوو بەوپەڕی دڵسۆزی و چالاكانە ئەنجامی دەدا و رۆڵی بەرچاوی هەبوو، لەوانەش بریكاری وەزارەتی خوێندنی باڵای حكومەتی فیدراڵی بوو، ئینجا ئەندامی ئەنجوومەنی نوێنەرانی عێراق لە خولی سێیەم.
ئومێدەوارین دڵنەوایی و هاوخەمی هاوكار و هەڤاڵانی ببێتە مایەی سەبووری و ئارامگرتنتان و لە خەم و خەفەتتان كەم بكاتەوە.
جارێكی دیكە پرسە و سەرەخۆشی خۆمان دووبارە دەكەینەوە و، داواكارین لە خوای گەورە خوالێخۆشبوو بەبەهەشتی بەرین شاد بكات و ئێوەش لە خەم و خەفەت و كۆستی دیكە بەدوور بن..
انا للە وانا الیە راجعون
مەكتەبی سیاسی
پارتی دیموكراتی كوردستان
---------------------------------
بەڕێزان خانەوادی خوالێخۆشبوو (ئەمیر گوگە)
خەمبار بووین بەبیستنی هەواڵی كۆچی دوایی پێشمەرگەی شۆڕشی مەزنی ئەیلوول و كەسایەتی تێكۆشەر و نیشتمانپەروەر، خوالێخۆشبوو (یوسف گوگە)ی برای (ئەمیر گوگە) ئەندامی خولی پێشووی پەڕلەمانی كوردستان.
بەم بۆنە خەمناكەوە پرسە و سەرەخۆشیی ئاڕاستەی خانەوادە نیشتمانپەروەرەكەتان و خزم و دۆست و ئاشنایانی خوالێخۆشبوو دەكەین و، هاوبەشی خەمتانین.
لە خودای گەورە داواكارین دڵنەواییتان پێببەخشێت و گیانی خوالێخۆشبوویش بەر رەحمەتی خۆی بخات و، بە بەهەشتی بەرینی شاد بكات.
انا للە و انا الیە راجعون
مەكتەبی سیاسی
پارتی دیموكراتی كوردستان
---------------------------------
بەڕێزان خانەوادی خوالێخۆشبوو خاتوو (سەعدیە عەبلوش رۆستەم)
بە داخێكی زۆرەوە هەواڵی كۆچی دوایی خوالێخۆشبوو خاتوو (سەعدییە عەبلوش رۆستەم)ی خوشكی كەسایەتی خوالێخۆشبوو (مەلا پەروێز كاكەیی) و پوری ھەڤاڵان (مەسعوود و كاوێس مەلا پەروێز)مان پێگەیشت.
بەم بۆنە خەمناكەوە سەرەخۆشیی ئاڕاستەی خانەوادە كوردپەروەرەكەتان و خزم و دۆست و ئاشنایانتان دەكەین و، هاوبەشی خەمتانین.
لە خودای گەورە داواكارین دڵنەواییتان پێببەخشێت و گیانی خوالێخۆشبوویش بەر رەحمەتی خۆی بخات و، بە بەهەشتی بەرینی شاد بكات.
انا للە و انا الیە راجعون
مەكتەبی سیاسی
پارتی دیموكراتی كوردستان
