مەکتەبی سیاسی پارتی پیرۆزبایی لە بزووتنەوەی رزگاری دیموکراتی کوردستان دەكات
پەیامی پیرۆزبایی مەکتەبی سیاسی پارتی دیموکراتی کوردستان بۆ (٢٨) ساڵەی دامەزراندنی بزووتنەوەی رزگاری دیموکراتی کوردستان
بەڕێزان/ سکرتێر و ئەندامانی مەکتەبی سیاسی و سەرکردایەتی بزووتنەوەی رزگاری دیموکراتی کوردستان..
بەبۆنەی (٢٨)ەمین ساڵیادی دامەزراندنی بزووتنەوەی رزگاری دیموکراتی کوردستان، پیرۆزباییەکی گەرم لە ئێوەی بەڕێز و ئەندامان و لایەنگرانتان دەکەین و، ئومێدەوارین لە بەرنامە و چالاکییەکانتان بەردەوام وسەرکەوتوو بن.
لەم دەرفەتەدا جەخت لە زەرورەتی بوونی ھەماھەنگی و پەیوەندی و، بەهێزکردنی یەکڕیزیی و یەک گووتاری لە نێوان سەرجەم ھێز و لایەنە سیاسییەکانی کوردستان دەکەینەوە بۆ پارێزگاریکردن و پێشخستنی قەوارەی ھەرێمی کوردستان و گەیشتن بە ئامانجە رەواکانمان.
دووبارە پیرۆزباییتان لێدەکەین و هەر سەکەوتوو بن..
مەکتەبی سیاسی
پارتی دیموکراتی کوردستان
١٥ـی ئابی ٢٠٢١
