لقێ ئێك بیره‌وه‌ریا 60 سالیا دامه‌زراندنا هه‌ردوو ئێكه‌تێن قوتابی و لاوان پیروز دكه‌ت
دهوك- تایبه‌ت ب KDP.info/ ب هه‌لكه‌فتا دامه‌زراندنا ئێكه‌تیا قوتابیان و لاوێن دیموكراتا كوردستانێ د قوناغه‌كا پر هه‌ستیار و سیاسی و نه‌ته‌وه‌یی و پیشه‌یا كوردستانێ دا، د كونگرێ سیێ دا ل (18/2/1953)ێ ب راسپاردێن سه‌ركرده‌و بابێ روحیێ نه‌ته‌وا كورد (بارزانیێ نه‌مر) ئێكه‌تیا قوتابیان و لاوێن دیموكراتا كوردستانێ هاته دامه‌زراندن ب مه‌ره‌ما خستنا ڤان تویژێن گرنگ و هه‌ستیار هه‌مبه‌ری ئه‌ركێن نیشتیمانی و دیموكراتی.
دیروكا ئێكه‌تیا قوتابی و لاوێن دیموكراتا كوردستانێ پشكه‌كا گرنگه ژ دیروكا بزاڤا رزگاری خوازا كوردستانێ دا و ل هه‌می قوناغێن خه‌باتێ دا رول هه‌بویه د گوره‌پانێ دا.
ئێكه‌تیا قوتابیان و ئێكه‌تیا لاوێن دیموكراتی كوردستانێ ل پێی پێتڤیا هه‌ر قوناغه‌كێ دا وه‌ك فێرگه‌هه‌كا شوره‌شگێری و سه‌ركێشی و پێشره‌و وچه‌ندین سه‌ركرده و قه‌هره‌مان پێگه‌هاندینه .
ئێكه‌تیا قوتابی و لاوێن دیموكرتا كوردستانێ ئه‌ڤرو ل هه‌رێما كوردستانا ئازاد روله‌كێ گرنگ هه‌یه د مه‌ده‌نیكرنا جڤاك و به‌رفره‌هكرنا پانتا و كه‌شێ دیموكراسی ب رێیا هه‌لبژارتنێن نافخویی و گشتی یێن قوتابیان و لاوان و ژپێخه‌مه‌ت په‌روه‌رده‌كا مودێرن و ژیانه‌كا ئازاد و سه‌ربه‌خو به‌ره‌ف پاشه‌روژه‌كا گه‌ش دچیت. ڤان هه‌ردوو ئێكه‌تیا هه‌ر ژده‌ستپێكا ژیێ خوو بێی جوداهیا ره‌گه‌زی و بیروباوه‌ران به‌رگری ژ مافێن هه‌می قوتابی و لاوێن كوردستانێ كریه، و داكوكی ل هه‌ر بیر و ده‌ربرینه‌كا ئازاد و پێشكه‌فتی خوازانه كریه .
بناڤێ لقێ ئێك یێ پارتی دیموكراتی كوردستان یادا (60) سالیا قوتابی و لاوان ل ته‌ڤایا قوتابی و لاوێن كوردستانێ پیروز دكه‌ین، ئومێده‌وارین قوتابی و لاو هه‌ر چه‌په‌رێ پولایی بن وه‌كو بارزانیێ نه‌مر په‌سنا وان كری بو پێش دابرنا شارستانیه‌ت و دیموكراسیێ ل هه‌رێما كوردستانێ.
عەبدولا نهێلی
__2021_04_03_h23m18s5__JH.jpg)
