هاریكاریێن دەڤەرا ئامێدیێ گەهشتنە كەمپا دومیز

ئامێدیێ- تایبه‌ت KDP.info/پشتی دەسپێكرنا هەوەكا كومكرنا هەڤكاریان بو ئاوارەێن روژئاڤایێ كوردستانێ دورێن 30 ملیون دینار وچەندین تەنێن كەلو پەلان ژ ئاهێن خوارنێ وجلوبەرگان لسنورێ قەزا ئامێدیێ ڤە هاتنە كومكرن وئەڤرو ڤەهشتنە كەمپا دومیز.

 

محمود تەها ئەندامێ لیژنا كومكرنا هاریكاریان دیاركر : ب مەرەما كومكرنا هاریكاریان وگەهاندنا وان بو پەنابەرێن روژئاڤایێ كوردستانێ،هەمی دام و دەزگەهێن میرێ وحزبی ورێكخراوێن جڤاكێ مەدەنی وسەنتەرێن رەوشەنبیری وزانایێن ئایینێ ئیسلامێ ێن سنورێ قەزا ئامێدیێ كارینە،گوژمەیێ 30 ملیون دینارێن عیراقی،هەروەها چەندین تەنێن كەل وپەلان كوم بكەن .

دیسان ناڤبری دیاركر: سوپاسیا هەر یەك ژ مەلا وزانایێن ئاینی،مەسیحیێن ناوچەیی هەروەها هەموو وان لایەن و وەلاتیان دكەین ئەوێن دڤی هەوێ دا بەشداری كری.

تێ زانێن كو ئەڤرو ب سەرپەرشتیا (فەریق فاروق) بەرپرسێ لقا 18 یا پارتی دیموكراتی كوردستان وژمارەكا بەرپرسێن میری وحزبێ وئەو لایەنێن بەشداری كری دهەوا كومكرنا هاریكاریاندا گەهشتنە كەمپا دومیز وئەو هاریكاری دانە دەستی لایەنێن بەرپرسێن كەمپا دومیز ڤە .

دلدار رەشاڤەی