مەکتەبی سیاسی پارتی دیموکراتی کوردستان سەرەخۆشی لە مستەفای سەید قادر دەکات

برای بەڕێز کاک (مستەفای سەید قادر) جێگری سەرۆکی ھەرێمی کوردستان

خەمباربووین بە بیستنی هەواڵی كۆچی دوایی کەسایەتی دیاری دەڤەری پشدەر و بیتوێن، خوالێخۆشبوو (سەید قادر سەید مستەفا)ی باوکی بەڕێزتان.
بەو بۆنە خەمناكەوە پرسە و سەرەخۆشی ئاراستەی ئێوەی بەڕێز و خانەوادە و كەسوكار و خزم و ئاشنایانی خوالێخۆشبوو دەكەین و ھاوبەشی خەمتانین.

لەخوای گەورە داواکارین سەبوری و دڵنەوایی بە ھەموولایەک ببەخشێت و گیانی باوکی کۆچکردویشتان بە بەھەشتی بەرین شادبکات..

انا للە وانا الیە راجعون

مەکتەبی سیاسی
پارتی دیموكراتی كوردستان