مەکتەبی سیاسی پارتی سه‌ره‌خۆشی له‌ خانه‌واده‌ی خوالێخۆشبوو حوسێن كوردی دەكات

به‌ڕێزان خانه‌واده‌ی حوسێن كوردی

به‌داخ و پەژارەیەکی زۆره‌وه‌ هه‌واڵی كۆچی دوایی كادیر و پێشمه‌رگه‌ی ھەردوو شۆڕشی مەزنی ئه‌یلوول و گوڵان، خوالێخۆشبوو (حوسێن ئه‌حمه‌د سلێمان) ناسراو به‌(حوسێن كوردی)مان پێگه‌یشت. بەم بۆنه‌ خه‌مناكه‌وه‌ پرسه‌ و سه‌ره‌خۆشیمان ئاراسته‌ی بنەماڵە به‌ڕێز و کوردپەروەرەکەتان و ته‌واوی خزم و كه‌سوكار و ھەڤاڵانی خوالێخۆشبوو ده‌كه‌ین و، هاوبه‌شی خه‌متانین.

خوالێخۆشبوو (حوسێن كوردی) كادیر و فەرماندەیەکی نیشتمان پەروەر و دڵسۆزی رێبازەکەی بوو و، تەواوی ژیانی بۆ خزمەتی گەل و نەتەوەکەی تەرخانکرد.

له‌خودای گەورە داواكارین سەبووری و ئارامی بە ئێوە و ھەموولایەک ببەخشێت و گیانی ھەڤاڵی کۆچکردوویش به‌ به‌هه‌شتی به‌رینی خۆی شاد بكات.

انا للە و انا الیە راجعون

 

مەکتەبی سیاسی 

پارتی دیموکراتی کوردستان